ایم کیو ایم علماء کمیٹی کے رکن نبیل احمد کے والد عبد الحئی خان کے انتقال پر رابطہ کمیٹی کا اظہار افسوس
عبد الحئی کی نمازجنازہ وتدفین میں رابطہ کمیٹی کے رکن عبد الحسیب ،معاون رابطہ کمیٹی وسیم قریشی ،سی ای سی کے اراکین و دیگر کی شرکت
کراچی:۔۔۔23 اگست 2015ء
متحدہ قومی موومنٹ کی رابطہ کمیٹی نے ایم کیو ایم علماء کمیٹی کے رکن نبیل احمد کے والد عبدلحئی خان کے انتقال پر گہرے دکھ اور افسوس کا اظہار کیا ہے ۔اپنے تعزیتی بیان میں رابطہ کمیٹی نے مرحوم کے تمام سوگوار لواحقین سے دلی تعزیت و ہمدردی کاا ظہار کرتے ہوئے انہیں صبر کی تلقین کی اور اللہ تعالیٰ سے دعا کی کہ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔علاوہ ازیں عبدلحئی خان کی نماز جنازہ قباء مسجد نارتھ کراچی میں ادا کی گئی جبکہ تدفین میوہ شاہ قبرستان کی گئی ۔مرحوم کی نماز جناز ہ و تدفین میں ایم کیو ایم رابطہ کمیٹی کے رکن عبد الحسیب ،معاون رابطہ کمٹی وسیم قریشی،رکن سینٹرل ایگزیکٹو کونسل جاوید احمدسمیت مرحوم کے عزیز آقارب نے شرکت کی۔