جناب الطا ف حسین کے براہِ راست خطاب اور ریکارڈ پروگراموں کو ٹی وی چینلز پر نشر نہ کرنے پر پیمرا کے غیر آئینی اقدام کے خلاف ایم کیوایم پنجاب کے زیراہتمام لاہور ، ملتان ، گوجرانوالہ اور اسلام آباد میں احتجاجی مظاہروں کا انعقاد

کراچی ۔۔۔23، اگست2015ء 

ایم کیوایم کے قائد جناب الطا ف حسین کے براہِ راست خطاب اور ریکارڈ پروگراموں کو ٹی وی چینلز پر نشر نہ کرنے کے پیمرا کے غیر آئینی اقدام کے خلاف ایم کیوایم پنجاب کے زیراہتمام لاہور ، ملتان ، گوجرانوالہ اور اسلام آباد میں احتجاجی ریلیاں نکالی گئیں جن میں ذمہ داران و کارکنان نے کثیر تعداد میں شرکت کی ۔ تفصیلات کے مطابق ایم کیوایم اسلام آباد کے تحت جناب الطا ف حسین کی تقاریر پابندی عائد کرنے کے خلاف پیمرا کے دفتر کے باہر احتجاجی مظاہرہ کیا گیا جس کی سربراہی ایم کیوایم پنجاب کے صدر سینیٹر میاں عتیق نے کی۔ ایم کیوایم لاہور کے تحت لاہور پریس کلب کے باہر احتجاجی مظاہرہ کیا گیا جس کی سربراہی ایم کیوایم پنجاب کی سینٹرل ایڈ ہاک کمیٹی کے رکن میاں راشد نے کی ، ایم کیوایم ملتان کے زیر اہتمام ملتان پریس کلب کے باہراحتجاجی مظاہرہ کیا گیا جس کی سربراہی ملتان کے صدر فرقان مغل کی نے اسی طرح ایم کیوایم گجرانوازلہ کے تحت ضلعی دفتر سے احتجاجی ریلی نکالی گئی جو کہ مختلف علاقوں سے ہوتی ہوئی گجرانوالہ پریس کلب پہنچی جہاں احتجاجی مظاہرین نے اپنا پرامن احتجاج ریکارڈ کرایا ۔ احتجاجی ریلی اور مظاہروں کے شرکاء پیمرا کی جانب سے قائد تحریک جناب الطاف حسین کے خطاب اور ریکارڈ انٹرویوز کو نشر نہ کرنے کے خلاف زبردست نعرے بازی کررہے تھے اس موقع پرانہوں نے اپنے ہاتھوں میں ایم کیوایم کے پرچم اور قائد تحریک جناب الطاف حسین کی تصاویر بھی اٹھا رکھی تھی ۔ احتجاجی ریلیوں کے شرکاء نے پیمرا کے غیر قانونی اور غیرآئینی اقدام کے خلاف مذمتی بینرز اور پلے کارڈ بھی اپنے ہاتھوں میں اٹھا رکھے تھے ۔ایم کیو ایم پشاور کے زیر اہتمام بھی پشاور پریس کلب کے باہر پیمرا کے ناروا سلوک کے خلاف مظاہر ہ کیا گیا جس میں مقامی افراد شریک تھے۔ احتجاجی ریلی اور مظاہروں کے شرکاء سے خطاب کرتے ہوئے ایم کیوایم پنجاب کے صدر سینیٹر میا ں عتیق ، لاہور کے صدر میاں راشد ، ملتان کے صدر فرقان مغل اور ڈسٹرکٹ گجرانوالہ کے صدر عبد الکریم ٹوکے نے کہاکہ پیمرا نے جناب الطا ف حسین کے خطاب اور ریکارڈ پروگرام کو نشر کرنے پر پابندی عائد کرکے جناب الطاف حسین کے کروڑوں چاہنے والوں کی دل آزاری کی ہے اور جب تک جناب الطاف حسین کے خطاب پر عائد غیر آئینی اور غیر قانونی پابندی اٹھا ئی نہیں جاتی ہمارے احتجاج کا سلسلہ رکھاجائے گا ۔ انہوں نے کہاکہ ایم کیوایم پنجاب جناب الطاف حسین کی زبان بندی کے خلاف خاموش نہیں بیٹھے گی اور حکومتی دباؤ پر پیمرا کے ہتھکنڈوں کے خلاف اپنی جدوجہد جاری رکھے گی ۔ مقررین نے ارباب اختیار و اقتدار سے مطالبہ کیا کہ جناب الطاف حسین کے خطاب اور ریکارڈ انٹرویو کو ٹیلی ویژن پر نشر نہ کرنے کے غیر آئینی فیصلے کو فی الفور واپس لیاجائے اور اظہار رائے کی آزادی پرعائد پابندی کو ختم کرکے دنیا بھرجناب الطاف حسین کے چاہنے والوں کو مطمئن کیاجائے ۔