کراچی یونین آف جرنلسٹ کے جوائنٹ سیکریٹری شاہد غزالی نے اظہارارائے کی آزادی سلب کئے جانے پرایم کیوایم کا ساتھ دینے کا اعلان کردیا
جہاں جہاں ایم کیوایم کے ساتھ ناانصافی ہوگی وہاں پر کراچی اور پاکستان کی صحافی برادری ان کے ساتھ ہوگی، شاہد غزالی
کراچی ۔۔۔21، اگست2015ء
کراچی یونین آف جرنلسٹس کے جوائنٹ سیکریٹری شاہد غزالی نے پاکستان فیڈریشن یونین آف جرنلسٹ اور کراچی یونین آف جرنلسٹ کی جانب سے اظہار رائے کی آزادی کے خلاف ایم کیوایم کا بھر پور ساتھ دینے کا اعلان کیا ہے ۔ یہ اعلان انہوں نے کراچی پریس کلب کے باہر احتجاجی مظاہرے کے موقع پر اسٹیج پر آکر کیا ۔ شاہد غزالی نے کہاکہ ایم کیوایم نے ہمارے کام اور مشن میں بھر پور ساتھ دیا ہے اور جناب الطاف حسین نے ہمارے مسائل پر آواز اٹھائی اور مسائل حل کرنے میں پیش پیش رہے ، اگرآج ایم کیوایم پر برا وقت ہے تو ہم حق وصداقت کی ہر تحریک کے ساتھ ہوتے ہیں اور جہاں جہاں ایم کیوایم کے ساتھ ناانصافی ہوگی وہاں پر کراچی اور پاکستان کی صحافی برادری ان کے ساتھ ہوگی اور ہم ایم کیوایم سے اظہار یکجہتی کیلئے اسٹیج پرآئے ہیں اور پاکستان فیڈرل یونین جرنلسٹس اور کراچی یونین آف جرنلسٹس کی جانب سے ناانصافی کے خلاف بھر پور حمایت کرتے ہیں ۔