ایم کیوایم کے زیراہتمام کل ملک بھرمیں حق پرست رکن قومی اسمبلی رشیدگوڈیل کی صحت یابی کیلئے دعائیہ اجتماعات منعقدکئے جائیں گے

حق پرست عوام خصوصاًبزرگوں اورخواتین ان اجتماعات میں بڑی تعدادمیں شرکت کریں۔ رابطہ کمیٹی کی اپیل

کراچی ۔۔۔ 19 اگست 2015ء

متحدہ قومی موومنٹ کے زیراہتمام کل ملک بھرمیں حق پرست رکن قومی اسمبلی رشیدگوڈیل کی صحت یابی کے لئے دعائیہ اجتماعات منعقدکئے جائیں گے۔ اس سلسلہ کامرکزی اجتماع نائن زیروعزیزآبادپر منعقدکیاجائے گا جبکہ اندرون سندھ میں یہ اجتماعات زونل آفسز پر منعقدکئے جائیں گے ۔ ان اجتماعات میں رشید گوڈیل کی صحت یابی اورفائرنگ کے واقعہ میں دہشت گردوں کی فائرنگ سے شہیدہونے والے ان کے ڈرائیورعبدالمتین کی مغفرت کے لئے خصوصی دعائیں کی جائیں گی۔ ایم کیوایم کی رابطہ کمیٹی نے حق پرست عوام خصوصاًبزرگوں اورخواتین سے پرذوراپیل کی ہے کہ وہ ان اجتماعات میں بڑی تعدادمیں شرکت کریں۔