دہشت گردوں کے حملے میں شدیدزخمی ہونے والے حق پرست رکن قومی اسمبلی عبدالرشیدگوڈیل کی جلد و مکمل صحت یابی کیلئے نائن زیرو عزیز آباد میں دعائیہ اجتماع کا انعقاد

کراچی ۔۔۔۔19اگست 2015

متحدہ قومی موومنٹ کے زیر اہتما م گزشتہ روز بہادر آباد کے علاقے میں دہشت گردوں کے حملے میں شدیدزخمی ہونے والے حق پرست رکن قومی اسمبلی عبدالرشیدگوڈیل کی جلد و مکمل صحت یابی کے لئے ایم کیو ایم کے مرکز نائن زیروعزیز آباد میں دعائیہ اجتماع منعقد کیا گیا اور ان سے اظہار یکجہتی کیلئے شمعیں روشن کی گئیں ۔دعائیہ اجتماع میں ایم کیو ایم رابطہ کمیٹی کے ڈپٹی کنوینر ز کہف الوریٰ ،سید شاہد پاشا، ارکان رابطہ کمیٹی ، حق پرست اراکین اسمبلی اورشعبہ جات کے ذمہ داران شریک تھے۔رکن رابطہ کمیٹی عبد الحسیب نے دعا کرائی جس میں عبد الرشید گوڈیل کی مکمل صحتیابی اور واقعے میں شہید ہونے والے ڈرائیورعبدالمتین شہید کے لئے اللہ تعالیٰ کے حضور خصوصی دعائیں کی گئیں اور ڈرائیورعبدالمتین شہیدکو زبر دست خراج عقیدت پیش کیا گیا۔دعائیہ اجتماع میں قائد تحریک الطاف حسین کی سلامتی اور لمبی عمر کیلئے بھی خصوصی دعا کی گئی۔







تصاویر