ایم کیو ایم کے شعبہ خواتین کے زیر اہتمام خورشید بیگم سیکریٹریٹ عزیزآباد میں عبدالرشید گوڈیل کی صحتیابی کیلئے ’’ یا سلامو‘‘ کا ورد
کراچی :۔19؍ اگست 2015ء
ایم کیو ایم شعبہ خواتین کے زیر اہتمام بدھ کے روز خورشید بیگم سیکریٹریٹ عزیزآباد میں گزشتہ روز بہادر آباد میں دہشت گردوں کے فائرنگ سے شدید زخمی ہونے والے حق پرست رکن قومی اسمبلی رشید گوڈیل کی جلد و مکمل صحتیابی کیلئے ’’ یا سلامو‘‘ کا ورد کیا گیا ۔ یاسلامو کے ورد کے اجتماع میں ایم کیو ایم شعبہ خواتین کی انچارج اور ارکان نے بڑی تعداد میں شرکت کی ۔ ایم کیو ایم شعبہ خواتین نے یاسلامو کے ورد کے بعد اللہ تعالیٰ کے حضور دعا کی کہ اللہ تعالیٰ عبدالرشید گوڈیل کو جلد از جلد صحتیابی عطا کرے اورتحریکی جدوجہد میں شہید ہونے والے ایم کیو ایم کے شہداء کی کی مغفرت کیلئے خصوصی دعا بھی کی ۔علاوہ ازیں دہشت گردوں کی فائرنگ سے شہید ہونے والے ڈرائیور متین کی ایصال ثواب کیلئے قرآن خوانی و فاتحہ خوانی بھی کی گئی اور شہید متین کی مغفرت کیلئے بھی خصوصی دعا کی