ایم کیوایم آسٹریلیا کے زیراہتمام کراچی میں جاری بیگناہ مہاجروں کی نسل کشی، ایم کیوایم کے کارکنان کی غیر قانونی گرفتاریوں پر یونائیٹڈ نیشن کے دفتر اور آسٹریلوی پارلیمنٹ کے باہراحتجاجی مظاہرہ
آسٹریلیا:۔۔۔19، اگست2015ء
ایم کیوایم آسٹریلیاکے زیراہتمام کراچی میں جاری ٹارگٹ آپریشن کے دوران سرکاری اہلکاروں کی بیگناہ مہاجروں کی نسل کشی ،ایم کیوایم کے کارکنان کی غیر قانونی گرفتاریوں اور گرفتار کارکنان پر انسانیت سوز تشدد اور سرکاری سرپرستی میں کراچی کے علاقوں لانڈھی، ملیر، شاہ فیصل کالونی میں حقیقی دہشت گردوں کے قبضے کے خلاف دارالخلافہ کینبرا میں یونائیٹڈ نیشن کے مرکزی دفتر اور وفاقی آسٹریلوی پارلیمنٹ کے باہر احتجاجی مظاہرہ اور دھرنا دیا گیا۔ جس میں آسٹریلیا کے تمام یونٹس سڈنی،میلبورن، برسبین، پرتھ، کونز لینڈ کے کارکنان اورآسٹریلیا میں مقیم پاکستانیوں نے بہت بڑی تعدادمیں تعدادمیں شرکت کی۔احتجاجی مظاہرے اوردھرنے کے شرکاء میں خواتین اور بچوں کی بڑی تعداد موجود تھی جنہوں نے ہاتھوں میں احتجاجی بینرز،پلے کارڈز اورپوسٹرزآویزاں کیے ہوئے تھے جس پر مہاجروں کے خلاف امیتازی سلوک اور ناجائز آپریشن کے خلاف نعرے درج تھے۔احتجاج کے اختتام پرایم کیوایم آسٹریلیاکے آرگنائزر افروز شاہین نے خطاب کرتے ہوئے کہاکہ مہاجر قوم پرظلم کرنے والے چاہے جتنا مرضی ظلم کرلیں مگر لوگوں کے دلوں سے قائد تحریک جناب الطاف حسین کی محبت کوختم نہیں کرسکتے۔انہوں نے کہا کہ کراچی میں نوگوایریازبننے جارہے ہیں1992ء کی تاریخ دوبارہ دورائی جارہی ہے لیکن یہ سازشیں کرنے والے ماضی کی طرح ایک مرتبہ پھر ذلیل و رسوا ہونگے۔ احتجاج کے اختتام پر یونائیٹڈ نیشن اور آسٹریلیا پارلیمنٹ میں یاداشت بھی جمع کروائی گئیں۔
-2.jpg)