مسلح دہشت گردوں کی فائرنگ سے ایم کیوایم اورنگی ٹاؤن سیکٹر یونٹ 124کے سرکل انچارج عبد الرحیم کی شہادت پر الطا ف حسین کااظہار افسوس
عبد الرحیم دہشت گردوں کی فائرنگ سے شدید زخمی ہونے کے بعد موٹر سائیکل پر سوار ہوکر ایمبولینس تک پہنچے تو دہشت گردوں نے تعاقب کرکے ان پر دوبارہ گولیاں برسا دیں ، الطاف حسین
عبد الرحیم شہید کے سفاکانہ قتل میں ملوث دہشت گرد اپنے انجام سے نہیں بچ سکتے ، الطا ف حسین
لندن۔۔۔18،اگست2015ء
متحدہ قومی موومنٹ کے قائد جناب الطا ف حسین نے مسلح دہشت گردوں کی فائرنگ سے ایم کیوایم اورنگی ٹاؤن سیکٹر یونٹ 124کے سرکل انچارج عبد الرحیم شہادت پر گہرے دکھ اور افسوس کااظہا رکیا ہے ۔ایک بیان میں جناب الطاف حسین نے کہاکہ عبد الرحیم کو دہشت گردوں نے پہلے فائرنگ کرکے شدید زخمی کیا اور جب وہ شدید زخمی حالت میں اپنی موٹر سائیکل پر سوار ہوکر ایمبولینس تک پہنچے تو دہشت گردوں نے ان کا تعاقب کرکے دوبارہ ان پر گولیاں برسا دیں جس سے وہ موقع پر ہی شہید ہوگئے ۔ انہوں نے کہاکہ عبد الرحیم شہید کے سفاکانہ قتل میں ملوث دہشت گرد اپنے انجام سے نہیں بچ سکتے اور عبرتناک انجام سے دوچار ہوں گے ۔ انہوں نے شہید کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ شہید کو جنت الفردوس میں اعلیٰ مقام عطا فرمائے اور سوگوارا ن کو یہ صدمہ برداشت کرنے کا حوصلہ عطاکرے۔ (آمین)