ایم کیوایم کے زیراہتمام دوروزہ جشن آزادی میں بھرپورشرکت کرنے پر عوام کورابطہ کمیٹی کیزبردست مبارکباداورخراج تحسین
جناح گراؤنڈمیں ہونے والاجشن آزادی کااجتماع پورے ملک میں منعقدکئے جانے والے اجتماعات میں سب سے بڑااجتماع تھا
انتہائی مختصروقت میں جشن آزادی کے اجتماع کے شاندارانتظامات کرنے پر ذمہ داران وکارکنان کورابطہ کمیٹی کی شاباش
کراچی ۔۔۔ 15 اگست 2015ء
متحدہ قومی موومنٹ کی رابطہ کمیٹی نے ایم کیوایم کے زیراہتمام دوروزہ جشن آزادی میں بھرپورشرکت کرنے اوراسے کامیاب بنانے پر عوام کوزبردست مبارکباداورخراج تحسین پیش کیاہے ۔اپنے ایک بیان میں رابطہ کمیٹی نے کہاکہ مسلسل چھاپوں، گرفتاریوں، ماورائے عدالت قتل، گرفتاریوں کے بعد لوگوں کولاپتہ کرنے اور تمام ترسختیوں اورنامساعدحالات کے باوجود عوام نے جس طرح ایم کیوایم کے زیراہتمام ہونے والے دوروزہ جشن آزادی کے اجتماع میں جس بھاری تعدادمیں شرکت کی ہے اس پر وہ زبردست خراج تحسین کے مستحق ہیں ۔ رابطہ کمیٹی نے کہاکہ عوام کی شرکت کے اعتبارسے جناح گراؤنڈمیں ہونے والاجشن آزادی کااجتماع پورے ملک میں جشن آزادی کے سلسلے میں منعقدکئے جانے والے اجتماعات میں سب سے بڑااجتماع تھا۔ رابطہ کمیٹی نے تمام تر نامساعد حالات کے باوجود انتہائی مختصروقت میں دوروزہ جشن آزادی کے اجتماع کے شاندارانتظامات کرنے پر ذمہ داران وکارکنان کوبھی شاباش پیش کی ہے ۔