ایم کیو ایم شعبہ اطلاعات کے رکن محمد ہاشم شہید کے فاتحہ سوئم
سوئم کے اجتماع میں رابطہ کمیٹی،سی ای سی،شعبہ اطلاعات اور سیکٹر زو یونٹ کے ذمہ داران و کارکنان کی شرکت
شہید کی مغفرت اور درجات کی بلندی کے لئے فاتحہ خوانی اور سوگواران کے صبر جمیل کیلئے خصوصی دعائیں
کراچی۔۔۔14اگست2015ء
ماورائے عدالت قتل کیے گئے متحدہ قومی موومنٹ شعبہ اطلاعات فوٹو سیکشن کے رکن محمد ہاشم شہید کا فاتحہ سوئم بعد نماز جمعہ فرقانیہ مسجد لیاقت آباد نمبر4میں منعقد ہوا۔جس میں شہید کی روح کے ایصال ثواب کیلئے قرآن خوانی اور فاتحہ خوانی کی گئی اور شہید کی تنظیمی خدمات پر انہیں زبر دست خراج عقیدت پیش کیا گیا۔فاتحہ سوئم کے اجتماع میں ایم کیوایم کی رابطہ کمیٹی کے ارکان شبیر احمد قائم خانی ،محمد کمال ملک ،ایم کیو ایم سینٹرل ایگزیکٹو کونسل کے رکن احمد سلیم صدیقی ،ایم کیو ایم شعبہ اطلاعات کے ارکان، سیکٹر ز و یونٹ کمیٹیوں کے ذمہ داران و کارکنان ہمدردوں اور شہید کے عزیز و اقارب نے بڑی تعداد میں شرکت کی۔اس موقع پر محمد ہاشم شہید کی مغفرت ،درجات کی بلندی کے لئے فاتحہ خوانی اور سوگواران کے صبر جمیل کیلئے خصوصی دعائیں کیں۔