ایم کیو ایم کے ارکان سینیٹ ،قومی و صوبائی اسمبلی کے اپنی نشستوں سے استعفے، عوام کی بڑی تعداد کا نائن زیرو پر جشن

کراچی۔۔۔12اگست2015ء

متحدہ قومی موومنٹ کے قائد جناب الطاف حسین کی ہدایت پر حق پرست سینیٹر ز اور ارکان قومی و صوبائی اسمبلی کے اپنی نشستوں سے احتجاجاً استعفوں کے بعد ایم کیوا یم کے کارکنان اور عوام کی بڑی تعداد نے نائن زیرو پر جمع ہوکر دئیے روشن کئے اور اپنی خوشی کے اظہار کیلئے ڈھول کی تھاپ پر والہانہ رقص کیا۔ اس موقع پر ایم کیو ایم کی رابطہ کمیٹی کے ارکان عارف خان ایڈوکیٹ، شبیر احمد قائم خانی ،زرین مجید ، محمد کمال ملک اورسید شاہد پاشا ، تنظیمی شعبہ جات کے ارکان اور خواتین و بچوں سمیت عوام کی بڑی تعداد نے نائن زیرو پر جمع ہونیوالے کارکنان اور عوام کا استقبال کیا اور انکے ہمراہ حق پرست شہداء کو خراج عقیدت پیش کرنے کیلئے جناح گراؤنڈ عزیز آباد میں قائم یادگار شہداء حق پر حاضری دی اور دیئے روشن کیے ایم کیو ایم کے شہداء کو زبردست خراج عقیدت پیش کیا ۔
تصاویر