ایم کیوایم کے کارکن اور نائن زیرو کے شعبہ فوٹو سیکشن کے رکن محمد ہاشم کا ماورائے عدالت قتل کھلا ظلم ہے۔ الطاف حسین

لندن ۔۔۔ 9 اگست 2015ء

متحدہ قومی موومنٹ کے قائدجناب الطاف حسین نے ایم کیوایم کے مرکزنائن زیروکے شعبہ فوٹوسیکشن کے رکن محمدہاشم کے ماورائے عدالت قتل کی شدید مذمت کی ہے اوراسے کھلاظلم قراردیاہے ۔ اپنے ایک بیان میں جناب الطا ف حسین نے کہاکہ محمد ہاشم کا ماورائے عدالت قتل انصاف، قانون اورانسانی حقوق کاقتل ہے جس کی جتنی بھی مذمت کی جائے کم ہے۔ جناب الطا ف حسین نے محمد ہاشم شہید کے لواحقین سے دلی تعزیت اورہمدردی کا اظہار کرتے ہوئے کہا کہ اس سانحہ پر میرادل خون کے آنسورورہاہے۔اس پر میں ہی نہیں بلکہ ایم کیوایم کا ایک ایک کارکن آپ کے غم میں برابر کا شریک ہے۔جناب الطاف حسین نے دعاکی کہ اللہ تعالیٰ محمد ہاشم شہید کی مغفرت فرمائے، انہیں جنت الفردوس میں جگہ دے اوران کے تمام لواحقین کوصبرجمیل عطاکرے۔ جناب الطاف حسین نے تاجروں، دکانداروں اور ٹرانسپورٹرز سے اپیل کی کہ وہ محمد ہاشم کے ماورائے عدالت قتل کے خلاف سوگ میں آج بروز پیر اپنا کاروبار بند رکھیں۔