ایم کیوایم یوکے کے زیر اہتمام کل بروز اتوار کو 10ڈاؤننگ اسٹریٹ کے سامنے ایک بجے احتجاجی مظاہر ہ ہوگا

لندن۔۔8-8-2015ء

ایم کیوایم کے خلاف کراچی میں جاری آپریشن ،ذمہ داران و کارکنوں کے ماورائے عدالت قتل ،غیر قانی اور بلا جواز چھاپوں ،گرفتاریوں اور کارکنان کو گرفتار کر کے لاپتہ کرنے کے واقعات کے خلاف متحدہ قومی موومنٹ برطانیہ کی جانب سے کل بروز اتوار کو دوپہر ایک بجے لندن میں برطانوی وزیر اعظم کی سرکاری رہائش گاہ 10ڈاؤننگ اسٹریٹ کے سامنے احتجاجی مظاہر ہ کیا جائے گا ،اس موقع پر برطانیہ کے وزیر اعظم کو یادداشت بھی پیش کی جائے گی۔ احتجاجی مظاہرہ کے سلسلے میں تمام انتظامات مکمل کر لئے گئے ۔ ایم کیوایم برطانیہ کے آرگنائز ڈاکٹر سلیم دانش نے برطانیہ میں مقیم پاکستانیوں سے اپیل کی کہ وہ مظاہر ہ میں زیادہ سے تعداد میں شریک ہوں اور کراچی میں جاری آپر یشن کے دوران ایم کیوایم کے بے قصور کارکنان کے ماؤرائے عدالت قتل، گرفتاریوں،اور لاپتہ کارکنان کے اہل خانہ سے یکجہتی کا اظہار کریں اور ان کے دکھ درد اور غم میں شریک ہوں ۔