تحریک انصاف کے سڑک چھاپ چھٹ بھیئے اپنی اوقات میں رہیں، قاسم علی رضا

لندن ۔۔۔8، اگست2015ء

ایم کیوایم کی رابطہ کمیٹی کے رکن قاسم علی رضا نے کہاہے کہ تحریک انصاف کے سڑک چھاپ چھٹ بھیئے اپنی اوقات میں رہیں اور قائد تحریک جناب الطاف حسین کے خلاف بکواس کرنا بند کردیں۔ ایک بیان میں انہوں نے کہاکہ قائد تحریک جناب الطاف حسین ملک بھر کے مظلوم عوام کے متفقہ قائد ہیں ، لاکھوں کروڑوں عوام ان سے والہانہ عقیدت اورمحبت رکھتے ہیں لیکن بعض سڑک چھاپ عناصر اپنا سیاسی قد بڑھانے کیلئے جناب الطاف حسین کے خلاف بیانات دیکر پرامن عوام کو اشتعا ل دلانے کی کوشش کررہے ہیں ۔ قاسم علی رضانے کہاکہ سیاسی مخالفت سب کا جمہوری حق ہے لیکن سیاسی مخالفت میں اپنے والدین کی غلط تربیت کا ڈھنڈورا پیٹنے والوں کو چاند پر تھوکنے سے گریز کرنا چاہیے اور انہیں اپنی اوقات میں رہنا چاہیے۔