ایم کیوایم امریکہ کی آرگنائزنگ کمیٹی نے شکاگو، واشنگٹن اور ہوسٹن کے کارکنان کو تنظیمی نظم و ضبط کی مسلسل خلا ف ورزیوں اور غیر سماجی سرگرمیوں میں ملوث ہونے کی بنا پر غیر معینہ مدت کیلئے معطل کردیا ہے
معطل افراد میں شکاگو کے تحریم شاہد، آصف سلیم ،حارث عثمانی ، طارق صدیقی ، آصف خان جبکہ واشنگٹن کے کارکنان مطلوب زیدی ،شکیل الدین ،اورنگ زیب اور ہوسٹن کے ذیشان مرزا شامل ہیں
ذمہ داران وکارکنان معطل کئے گئے افراد سے کسی قسم کا کوئی تعلق نے رکھیں،آرگنائزنگ کمیٹی
شکاگو ۔۔6اگست 2015ء
متحدہ قومی موومنٹ اوور سیز امریکہ کی آرگنائزنگ کمیٹی کا ہنگامی اجلاس منعقد ا جس میں دیگر امور کے علاوہ امریکہ میں تنظیمی کام کی صورتحال اورتنظیم کو تحریک نہیں بلکہ کھیل تما شہ سمجھنے والوں کے معاملے پر بھی تفصیلی گفتگو ہوئی ۔ اجلاس میں آرگنائزنگ کمیٹی نے فیصلہ کیا کہ شکاگو کے کارکنان تحریم شاہد، آصف سلیم ،حارث عثمانی ، طارق صدیقی ، آصف خان جبکہ واشنگٹن کے کارکنان مطلوب زیدی ،شکیل الدین ،اورنگ زیب اور ہوسٹن کے ذیشان مرزا کو تنظیمی نظم وضبط کی مسلسل خلا ف ورزیو ں اور غیر سماجی سرگرمیوں میں ملوث ہونے کی بنا پرغیر معینہ مدت کیلئے معطل کر دیا ہے ۔آرگنائزنگ کمیٹی نے ذمہ داران وکارکنان سے کہا ہے کہ وہ معطل کئے گئے افراد سے کسی قسم کا کوئی تعلق نہ رکھیں ۔