ایم کیوایم کے قائد جناب الطاف حسین متحدہ قومی موومنٹ کے تمام شہداء ،لاپتہ ، زخمی ، معذوراوراسیر کارکنان وہمدردوں کے اہل خانہ کے ہنگامی اجلاس 6اگست جمعرات کو شام 5بجے لال قلعہ گراؤنڈ عزیز آباد میں خطاب کریں گے
اجلاس میں 1992ء سے آج 2015ء تک متحدہ قومی موومنٹ کے تمام شہداء ، گرفتاریوں کے بعد سے لاپتہ ، حراست کے دوران بہیمانہ تشد سے زخمی و معذور اسیر کارکنان اور ہمدردوں کے والدین اور اہل خانہ شرکت کریں گے
ایم کیوایم کے تمام شہیدوں، اسیروں، لاپتہ کارکنان ، زخمی اورمعذور کارکنان وہمدردوں کے اہل خانہ
ہنگامی اجلاس میں بھرپورشرکت کریں، رابطہ کمیٹی
کراچی ۔۔۔5، اگست2015ء
متحدہ قومی موومنٹ کے قائد جناب الطاف حسین 6، اگست 2015ء بروز جمعرات شام 5بجے لال قلعہ گراؤنڈ عزیز آباد میں ایم کیوایم کے تمام شہداء ، گرفتاریوں کے بعد سے لاپتہ کئے گئے ، حراست کے دوران بہیمانہ تشدد سے زخمی ، معذو ر اور اسیر کارکنان و ہمدردوں کے والدین اور دیگر اہل خانہ کے ہنگامی اجلاس سے خطاب کریں گے ۔ اجلاس میں 1992ء سے آج 2015ء تک متحدہ قومی موومنٹ کے تمام شہداء ،گرفتاریوں کے بعدلاپتہ کیے گئے ،حراست کے دوران بہیمانہ تشدد سے زخمی ، معذوراوراسیر کارکنان وہمدردوں کے والدین اوردیگر اہل خانہ شرکت کریں گے ۔
دریں اثناء رابطہ کمیٹی نے ایم کیوایم کے تمام شہیدوں، اسیروں، لاپتہ کارکنان ،بہیمانہ تشدد سے زخمی اورمعذورہونے والے کارکنان وہمدردوں کے اہل خانہ سے اپیل ہے کہ وہ اس ہنگامی اجلاس میں بھرپورشرکت کریں۔