سینئر مہاجر ورلڈ کانگریس میں شمولیت کیلئے لندن سیکریٹریٹ رابطوں اور کوائف نامے ارسال کرنے کا سلسلہ جاری
جمعرات کو دنیا بھر میں مقیم سینئر مہاجر اکابرین کا ایم کیوایم انٹرنیشنل سیکریٹریٹ رابطہ، رابطہ کمیٹی کے ارکان سے گفتگو
سینئر مہاجر اکابرین کی جانب سے سینئر مہاجر ورلڈ کانگریس میں شمولیت کی خواہش کا اظہار
مہاجروں کے آئینی، قانونی اور انسانی حقوق کی پامالی کے خلاف منظم اور مؤثر حکمت عملی وقت کی اہم ضرورت ہے، مہاجر اکابرین
سینئر مہاجر ورل کانگریس کا قیام دنیا بھر میں بسنے والے مہاجروں کے دلوں کی آواز ہے، مہاجر اکابرین
لندن۔۔۔31،جولائی2015ء
متحدہ قومی موومنٹ کے قائد جناب الطاف حسین کی اپیل پرمختلف شعبہ ہائے زندگی سے تعلق رکھنے والے سینئر مہاجراکابرین کی جانب سے سینئر مہاجر ورلڈ کانگریس میں شمولیت کیلئے ایم کیوایم انٹرنیشنل سیکریٹریٹ لندن رابطوں اور کوائف نامے ارسال کرنے کا سلسلہ جاری ہے ۔ تفصیلات کے مطابق جمعرات کے روز بھی پاکستان سمیت دنیا بھر میں مقیم پروفیسرز،بیوروکریٹس ، کالم نگاروں اورزندگی کے دیگر شعبوں سے تعلق رکھنے والے سینئر مہاجراکابرین نے ایم کیوایم انٹرنیشنل سیکریٹریٹ لندن رابطہ کرکے رابطہ کمیٹی کے ارکان سے بات چیت کی اور قائد تحریک جناب الطاف حسین کی اپیل پر سینئرمہاجرورلڈ کانگریس میں شمولیت کی خواہش کا اظہار کیا۔اس کے علاوہ دنیا بھر میں مقیم کئی سینئر مہاجراکابرین نے اپنے کوائف نامے بذریعہ ای میل ایم کیوایم لندن سیکریٹریٹ ارسال کیے ہیں ۔
زندگی کے مختلف شعبوں سے تعلق رکھنے والے سینئر مہاجر دانشوروں نے سینئر مہاجر ورلڈ کانگریس میں شمولیت کی خواہش کااظہار کرتے ہوئے بانیان پاکستان کی اولادوں پر ڈھائے جانے والے مظالم اور ان کے آئینی ، قانونی اور انسانی حقوق کی پامالی کے خلاف منظم اور مؤثر حکمت عملی کو وقت کی اہم ترین ضرورت قراردیا ہے ۔رابطہ کمیٹی کے ارکان سے گفتگو کرتے ہوئے مہاجراکابرین نے کہاہے کہ سینئر مہاجرورلڈ کانگریس کا قیام دنیا بھرمیں بسنے والے مہاجروں کے دلوں کی آوازہے اور سینئر مہاجر اکابرین حقوق کی اس جدوجہد میں ہرممکن کردارادا کرنے کیلئے تیارہیں۔