فہیم صدیقی کی غیرقانونی بلاجواز گرفتاری اور ان پر بہیمانہ تشدد قابل مذمت ہے۔ ندیم نصرت

لندن ۔۔۔ 25 جولائی 2015ء

متحدہ قومی موومنٹ کے سینئرڈپٹی کنوینرندیم نصرت نے پولیس اہلکاروں کے ہاتھوں ایک نجی ٹی وی کے بیوروچیف فہیم صدیقی کی غیرقانونی بلاجوازگرفتاری اوران پرکئے جانے والے بہیمانہ تشدد کی شدیدالفاظ میں مذمت کی ہے ۔اپنے ایک بیان میں انہوں نے کہاکہ افسوسناک بات یہ ہے کہ پولیس اہلکارفہیم صدیقی کی جانب سے تمام ترشناختی دستاویزات دکھانے کے باوجود ان پر تشددکرتے رہے۔انہوں نے پاکستان کی پوری صحافی برادری سے اپیل کی کہ وہ اس افسوسناک واقعہ کی مذمت کرتے ہوئے اتوار کے روز اپنے بازؤوں پرسیاہ پٹیاں باندھ کر اپنا احتجاج رجسٹرکرائیں۔