متحدہ قومی موومنٹ جنوبی پنجاب کے زیر اہتمام ملتان پریس کلب سمیت پنجاب کے مختلف شہروں میں نجی نیوز چینل کے خلاف احتجاجی مظاہرہ

کراچی ۔۔۔25جولائی2015ء

متحدہ قومی موومنٹ پنجاب کے زیر اہتمام لاہور ، اسلام آباد ملتان اور رحیم یار خان پریس کلب باہر اے ار وائی نیوز چینل کے خلاف احتجاجی مظاہرہ منعقد ہ کیا گیا جس میں ایم کیوایم ملتان زون کے ذمہ داران،خواتین،بزرگ اور نوجوانوں نے بڑی تعداد میں شرکت کی ۔ ایم کیوایم جنوبی پنجا ب صدر مرزا فرقان مغل نے حتجاجی مظاہرے کے شرکاء سے خطاب کر تے ہوئے کہاکہ قائد تحریک اور ایم کیوایم کے خلاف مسلسل جو جانبدارانہ اور متعصبانہ رویہ اختیار کر رکھا ہے ہم اس کی پرزور مذمت کر تے ہیں۔ انہوں نے کہاکہ آزادی صحافت کی آڑ میں مسلسل ایم کیوایم کو نشانہ بنایا جارہاہے جوکہ انتہائی افسوسناک عمل ہے۔ انہوں نے کہاکہ ایم کیوایم کے خلاف میڈیا ٹرائل کیاجارہا ہے تاکہ کارکنان کو قائد تحریک اور ایم کیوایم سے دور کرسکے اور انشاء اللہ تعالی یہ سازشیں کرنے والوں کو ہمیشہ کی طرح ناکامی کا سامنے کرنے پڑے گا۔