ایم کیوایم ختم کرنے کاخواب کبھی شرمندہ تعبیرنہیں ہوگا،ایم کیوایم آج بھی منظم ،مضبوط اورمتحدہے،عارف خان ایڈووکیٹ

کراچی۔۔۔24جولائی2015ء

متحدہ قومی موومنٹ کی رابطہ کمیٹی کے رکن عارف خان ایڈوکیٹ نے کہا ہے کہ ایم کیوایم کوختم کرنے کاخواب کبھی شرمندہ تعبیرنہیں ہوگا،ایم کیوایم آج بھی منظم ،مضبوط اورمتحدہے جس کی جڑیں عوام کے درمیان تیزی سے پھیل رہی ہے۔ان خیالات کااظہارانہوں نے جمعہ کی شب کراچی کنٹونمنٹ بورڈکے انتخابات میں کامیابی کے بعدحلف اٹھانے والے حق پرست نمائندوں کی نائن زیروآمدکے موقع پرگفتگوکررہے تھے۔اس موقع پررابطہ کمیٹی کے رکن شبیراحمدقائم خانی،عظیم فاروقی،عبدالقادرخانزادہ، سینٹرل ایگزیکٹوکونسل کے ارکان،ایم کیوایم کے شعبہ جات کے ذمہ داران وکارکنان بھی موجودتھے۔قبل ازیں رابطہ کمیٹی اورکارکنان نے نومنتخب حق پرست وائس پریزیڈنٹ محمد منصور اوردیگرکونسلر کانائن زیروپرشاندار استقبال کیااورانہیں قائدتحریک الطا ف حسین کی جانب سے مبارکبادپیش کی۔عارف خان ایڈووکیٹ نے کہاکہ ہم عوام کے ممنون ومشکورہیں کہ انہوں نے بھرپورحمایت سے کنٹونمنٹ بورڈکے بلدیاتی انتخابات میں جناب الطاف حسین کے نمائندوں کو کامیاب کرایا۔شبیراحمدقائم خانی نے کہاکہ کنٹونمنٹ بورڈمیں حق پرستوں کی بھاری اکثریت سے کامیابی قائدتحریک الطاف حسین اورایم کیوایم کی فتح ہے،ایم کیوایم کوختم کرنے کے لئے طرح طرح کے حربے استعمال کیے جارہے ہیں اورکارکنان کی غیرقانونی وغیرآئینی گرفتاریاں کی جارہی ہیں۔انہوں نے کہاکہ کوئی بھی طاقت عوام کوالطاف حسین اورایم کیوایم سے دورنہیں کرسکتی۔فیصل کنٹونمنٹ بورڈکے نومنتخب وائس پریزیڈنٹ منصورنے بھرپورحمایت پرقائدتحریک الطاف حسین اورایم کیوایم کاشکریہ اداکرتے ہوئے اس بات کاعزم کیاکہ وہ قائدتحریک الطاف حسین کے فکروفلسفے پرعمل پیراہوکر بلاتفریق رنگ ونسل اورزبان عوام کی زیادہ سے زیادہ خدمت کواپناشعاربنائیں گے ۔بعدازاں وائس پریزیڈنٹ اورکونسلرزمنتخب ہونے پرشرکاء میں میٹھائی تقسیم کی گئی۔