ایم کیوایم انٹرنیشنل سیکریٹریٹ لندن اور نائن زیروعزیزآبادمیں سینئر مہاجراکابرین کی بڑی تعداد نے کوائف ارسال کیے
سینئرمہاجراکابرین کی جانب سے سینئر مہاجرورلڈ کانگریس میں شمولیت کی خواہش کا اظہار
مہاجروں کے غصب شدہ حقوق کے حصول کیلئے مہاجرصوبہ کا قیام انتہائی ناگزیر ہے، مہاجراکابرین
مہاجروں کے غصب شدہ حقوق کیلئے دنیا بھر میں اپنی خدمات پیش کرنے کیلئے تیارہیں، مہاجراکابرین
لندن۔۔۔24،جولائی2015ء
متحدہ قومی موومنٹ کے قائد جناب الطاف حسین کی اپیل پر پاکستان سمیت دنیا بھر سے سینئر مہاجراکابرین کی جانب سے ایم کیوایم انٹرنیشنل سیکریٹریٹ لندن اور نائن زیروعزیزآبادمیں بڑی تعداد میں کوائف موصول ہورہے ہیں۔ تفصیلات کے مطابق گزشتہ دنوں ایم کیوایم کے قائد جناب الطاف حسین نے دنیا بھر میں مقیم سینئر مہاجراکابرین سے رابطے کرکے انہیں پاکستان میں مہاجروں پر ڈھائے جانے والے غیرآئینی اورغیرقانونی مظالم سے آگاہ کیا اور ان مظالم سے دنیا بھرکوآگاہ کرنے سینئر مہاجر ورلڈ کانگریس میں شمولیت کی دعوت دی تھی ۔ جناب الطا ف حسین کی اپیل پر پاکستان سمیت دنیا بھر میں مقیم سینئرمہاجر دانشوروں، کالم نگاروں،صحافیوں، بیوروکریٹس، ادیبوں، شعراء ، مؤرخین، پروفیسرز،علمائے کرام ، صنعتکاروں ، تاجروں اورزندگی کے دیگرشعبوں کے ماہرین نے سینئر مہاجرورلڈ کانگریس میں شمولیت کی خواہش کا اظہارکیاہے ۔سینئر مہاجراکابرین کی جانب سے کہاگیا ہے کہ مہاجروں کے غصب شدہ حقوق کے حصول کیلئے مہاجرصوبہ کا قیام انتہائی ناگزیر ہے اور اس سلسلے میں وہ دنیا بھر میں اپنی خدمات پیش کرنے کیلئے تیارہیں۔سینئر مہاجراکابرین کی جانب سے بڑی تعداد میں کوائف نامے، ایم کیوایم انٹرنیشنل سیکریٹریٹ لندن اور نائن زیروعزیزآباد کراچی میں بذریعہ فیکس، ای میل اور ڈاک کوائف نامے ارسال کیے جاچکے ہیں اور کوائف نامے بھیجنے کا سلسلہ بدستورجاری ہے ۔