ایم کیوایم نے شدید بارشوں کے پیش نظر کل بروز جمعہ اے آروائی کے خلاف احتجاجی مظاہرہ ملتوی کردیا
اے آروائی کی متعصبانہ نشریات کے خلاف احتجاجی مظاہرے کی آئندہ تاریخ کا اعلان جلد کیا جائے گا، رابطہ کمیٹی
ایم کیوایم کے قائد الطاف حسین نے رابطہ کمیٹی کے فیصلے کی توثیق کردی
کراچی۔۔۔23، جولائی2013ء
متحدہ قومی موومنٹ کی رابطہ کمیٹی نے کراچی میں شدید بارشوں کے پیش نظر ا ے آروائی نیوزکے دفترکے سامنے کل بروزجمعہ کو ہونے والا احتجاجی مظاہرہ ملتوی کرنے کااعلان کیا ہے ۔ ایک بیان میں رابطہ کمیٹی نے کہاکہ کراچی میں شدیدبارشوں کے باعث برساتی پانی جگہ جگہ سڑکوں پرجمع ہے اور اس صورتحال کے پیش نظر عوام کو کسی بھی قسم کی پریشانی سے بچانے کیلئے کل بروز جمعہ کواے آروائی نیوز کے دفترواقع صدرکراچی کے سامنے ہونے والے احتجاجی مظاہرے کو ملتوی کردیاگیا ہے ۔قائد تحریک جناب الطاف حسین نے رابطہ کمیٹی کے اس فیصلے کی توثیق کردی ہے ۔ رابطہ کمیٹی جلد ہی احتجاجی مظاہرے کی آئندہ تاریخ کا اعلان کرے گی۔ واضح رہے کہ ایم کیوایم کے تحت کل بروز جمعہ سہ پہر تین بجے مہاجردشمنی پر مبنی نشریات اورمتعصبانہ ٹاک شوز کے خلاف احتجاجی مظاہرے کا اعلان کیاتھا۔