ایم کیوایم حیدرآبادزون کے سینئرکارکن اور سابق حق پرست کونسلرحاجی نواب علی علالت کے باعث انتقال کرگئے

حیدرآباد ۔۔۔ 21 جولائی 2015ء

متحدہ قومی موومنٹ حیدرآبادزون کے سینئرکارکن اور سابق حق پرست کونسلرحاجی نواب علی علالت کے باعث آج انتقال کرگئے ۔ان کی عمر69سال تھی۔ حاجی نواب علی 1987ء میں حیدرآبادکے علاقے لیاقت کالونی سے ایم کیوایم کی جانب سے کونسلر منتخب ہوئے تھے ۔ 19جون 1992ء کوایم کیوایم کے خلاف آپریشن شروع ہواتوانہیں گرفتارکرکے ان کی وفاداری تبدیل کرنے کی بھرپورکوشش کی گئی لیکن انہوں نے قائدتحریک الطاف حسین کاساتھ نہیں چھوڑا۔ گزشتہ تمام ادوارمیں تمام تر نشیب وفرازاورمشکلات کے باوجودوہ ثابت قدم رہے اورکارکن کی حیثیت سے ایم کیوایم کیلئے کام کرتے رہے ۔حاجی نواب علی علیل تھے ۔ان کے پسماندگان میں چاربیٹیاں اوردوبیٹے شامل ہیں۔حاجی نواب علی مرحوم کومنگل کی شب حیدرآبادکے علاقے کالی موری کے لالو لاشاری قبرستان میں سپردخاک کردیاگیا۔ ان کے جنازے میں ایم کیوایم حیدرآبادزون کے ذمہ داران ، کارکنان اورہمدردوں کی بڑی تعدادنے شرکت کی ۔ حیدرآباد زون کے ارکان نے حاجی نواب مرحوم کے صاحبزادوں سے تعزیت کی ۔