ایم کیوایم کے رہنما ؤں اور منتخب نمائندوں کی روپوشی کی خبر قطعی بے بنیاد اور گمراہ کن ہے ، ایم کیوایم

کراچی ۔۔۔21، جولائی2015ء

متحدہ قومی موومنٹ کے ترجمان نے بعض اخبارات میں شائع ہونے والی اس خبر کی سختی سے تردید کی ہے جس میں کہاگیا کہ ایم کیوایم کے رہنما اور منتخب نمائندے روپوش ہوگئے ہیں ۔ ترجمان نے اس خبرکو قطعی بے بنیاد اور گمراہ کن قراردیتے ہوئے اسے عوام میں مایوسی پھیلانے کی سازش قراردیا ہے ۔ ترجمان نے کہاکہ مذکورہ خبرمیں کوئی صداقت نہیں ہے ، ایم کیوایم کے رہنما اور منتخب نمائندے تمام ترنامساعد حالات کے باوجود فرائض ادا کررہے ہیں۔ترجمان نے مزید کہاکہ ایم کیوایم کے رہنما اور منتخب عوامی نمائندے اپنی پریس کانفرنس میں واضح کرچکے ہیں کہ وہ غیرقانونی اورغیرآئینی گرفتاریوں سے خوف زدہ ہوکر روپوشی اختیار نہیں کریں گے اور روپوشی ہونے کے بجائے گرفتارہونا پسند کریں گے ۔