شعبہ خواتین کی سینئر کارکن محترمہ شاہجہاں بیگم عرف چنی باجی کے شوہر اور لیبر ڈویژن کے سینئر کارکن سید محمود حسین کو
یاسین آباد کے قبرستان میں سپرد خاک کردیا گیا
نماز جنازہ او رتدفین میں انچارج رابطہ کمیٹی کہف الوریٰ ، اراکین رابطہ کمیٹی ، حق پرست اراکین قومی وصوبائی اسمبلی اور شعبہ جات کے اراکین کی شرکت
سید محمود حسین مرحوم کو سوئم 21جولائی کو نارتھ ناظم آباد میں واقع بطحہ مسجد میں ہوگا
کراچی ۔۔۔20، جولائی 2015ء
ایم کیوایم شعبہ خواتین کی سینئر کارکن محترمہ شاہجہاں بیگم عرف چنی باجی کے شوہر اور لیبر ڈویژن کے سینئر کارکن سید محمود حسین کو آج آہوں اور سسکیوں کے درمیان یاسین آباد کے قبرستا میں سپرد خاک کردیا گیا ۔ مرحوم کی نماز جنازہ نارتھ ناظم آباد بلاک Nمیں واقع بطحہ مسجد میں ادا کی گئی ۔ نما ز جنازہ اور تدفین میں ایم کیوایم کی رابطہ کمیٹی کے انچارج کہف الوریٰ ، ارکان عبد الحسیب ، گلفرا خان خٹک ، حق پرست اراکین قومی اسمبلی اقبال قادری ، عبد الوسیم ، شیخ صلاح الدین ، ریحان ہاشمی ، حق پرست اراکین سندھ اسمبلی جمال احمد ، انور رضا ، ریحان ظفر ، رؤف صدیقی ، ایم کیوایم کے مختلف ونگز اور شعبہ جات کے اراکین ، یونٹ اور سیکٹر کے ذمہ داران اور مرحوم کے عزیز واقارب نے بڑی تعداد میں شرکت کی ۔
دریں اثناء سید محمود حسین مرحوم کا سوئم کل 21جولائی بروز منگل کو بعد نماز ظہر تا عصر نارتھ ناظم آباد بلاک Nمیں واقع بطحہ مسجد میں ہوگا جس میں مرحوم کی روح کے ایصال ثواب کیلئے قرآن خوانی و فاتحہ خوانی کی جائے گی ۔
علاوہ ازیں ایم کیوایم کی خواتین اراکن پارلیمنٹرین اور شعبہ خواتین کی ذمہ داران وکارکنان نے مرحوم کی رہائشگاہ جاکر محترمہ شاہجہاں بیگم اور مرحوم کے دیگر عزیز واقارب سے دلی تعزیت وہمدردی کااظہار کیا اور ان کے بلند درجات کیلئے دعا بھی کی ۔