ایم کیوایم کے قائدالطاف حسین کی جانب سے پاکستان سمیت دنیابھرکے مسلمانوں کوعیدالفطرکی دلی مبارکباد
عیدالفطرایک ایسے موقع پرآئی ہے کہ جب پاکستان کی تیسری بڑی سیاسی جماعت ایم کیوایم کوریاستی مظالم کانشانہ بنایاجارہاہے
عید کے موقع پر بہت سے گھروں میں خوشیوں کے بجائے غم اورسوگ کاعالم ہے۔الطاف حسین
اللہ تعالیٰ پاکستان کے محروم ومظلوم عوام کووہ عید عطاکرے کہ ان کے خلا ف جاری ظلم وجبرکاسلسلہ ختم ہواوروہ عید کی حقیقی خوشیاں مناسکیں
برطانیہ سمیت یورپ، امریکہ، کینیڈا،عرب ممالک میں مقیم پاکستانیوں اوردیگرمسلم عوام کوبھی الطا ف حسین کی جانب سے عیدکی مبارکباد
لندن ۔۔۔ 17 جولائی 2015ء
متحدہ قومی موومنٹ کے قائدالطاف حسین نے پاکستان سمیت دنیابھرکے مسلمانوں کوعیدالفطرکی دلی مبارکبادپیش کی ہے۔ اپنے ایک بیان میں انہوں نے کہاکہ عیدالفطرایک ایسے موقع پرآئی ہے کہ جب پاکستان کی تیسری بڑی سیاسی جماعت ایم کیوایم کوریاستی مظالم کانشانہ بنایاجارہاہے ، ایم کیوایم کے رہنماؤں،کارکنوں اورہمدردوں کوگرفتارکرکے انہیں جھوٹے مقدمات میں ملوث کیا جارہاہے،سرکاری حراست میں تشددکانشانہ بنایاجارہاہے ،انہیں ماورائے عدالت قتل کیاجارہاہے،گرفتارشدگان کے ساتھ عدالتوں میں پیشی کے موقع پر جنگی قیدیوں جیساسلوک کیاجارہا ہے۔سینکڑوں جیلوں میں قیدوبندکی صعوبتیں جھیل رہے ہیں جبکہ درجنوں گرفتاری کے بعد سے تاحال لاپتہ ہیں۔اس عیدکی خوشی کے موقع پر بہت سے گھروں میں غم اورسوگ ہے۔ جناب الطاف حسین نے عوام سے کہاکہ وہ عیدالفطرکے موقع پر ریاستی مظالم کاشکارافرادکی دلجوئی کریں اورانہیں بھی عیدکی خوشیوں میں شریک کریں۔ انہوں نے دعاکی کہ اللہ تعالیٰ پاکستان کے محروم ومظلوم عوام کووہ عید عطاکرے کہ ان کے خلا ف جاری یہ ظلم وجبرکاسلسلہ ختم ہواوروہ عید کی حقیقی خوشیاں مناسکیں۔ انہوں نے برطانیہ سمیت یورپ، امریکہ، کینیڈا،عرب ممالک اوردیگرممالک میں مقیم پاکستانیوں اوردیگرمسلم عوام کوبھی عیدکی مبارکبادپیش کی اوران سے بھی اپیل کی کہ وہ پاکستان میں امن وانصاف کے نظام کے قیام کے لئے دعاکریں۔