رینجرز کا ایم کیوایم کے مرکز پر دوسرا چھاپہ رابطہ کمیٹی کے انچارج کہف الوٰری اور رابطہ کمیٹی کے رکن قمر منصور گرفتار
کراچی ۔۔۔۔17جولائی 2015ء
رینجرز کی بھاری نفری نے آج رات ایم کیوایم کے مرکز پر چھاپہ مار ا اور رابطہ کمیٹی کے انچارج کہف الوٰری اور رابطہ کمیٹی رکن قمر منصور کو گرفتار کرلیا۔رینجرز افسران اور اہلکار رات 02بجے کے قریب ایم کیو ایم کے مرکز نائن زیرو آئے اور بغیر کسی سرچ وارنٹ کے خورشید بیگم سیکریٹریٹ میں داخل ہوگئے ، انھوں نے ایم کیوایم کے مختلف تنظیمی دفاتر کی تلاشی لی، اور مختلف کاغذات لے گئے ۔رینجرز نے نائن زیرو کے تمام راستوں کو سیل کر دیا میڈیا کے نمائندوں کو بھی داخل ہونے کی اجازت نہیں دی گئی۔کراچی آپریشن کے آغا ز کے بعد سے ایم کیوایم کے مرکز پر رینجرز کا یہ دوسرا چھاپہ ہے۔ اس سے پہلے رینجرز نے 11مارچ کو نائن زیرو پر چھاپہ مارا تھا۔