حق پرست اراکین اسمبلی نے تحریک انصاف کے سربراہ عمران خان کی جانب سے پاک افواج کے جرنیلوں سے متعلق نازیباالفاظ استعمال کرنے پرکراچی کے مختلف تھانوں میں عمران خان کے خلاف درخواستیں جمع کروادیہیں
عمران خان نے میٹنگ کے دوران پاک فوج کے جرنیلوں کے خلاف نازیباالفاظ استعمال کیے اورپاک فوج کے مورال کوشدیدنقصان پہنچایاہے
کراچی ۔۔۔ 15 جولائی 2015ء
متحدہ قومی موومنٹ کے حق پرست اراکین اسمبلی نے تحریک انصاف کے سربراہ عمران خان کی جانب سے پاک افواج کے جرنیلوں سے متعلق خلاف نازیباالفاظ استعمال کرنے پرکراچی کے مختلف تھانوں میں عمران خان کے خلاف درخواستیں جمع کروادی ہیں۔تفصیلات کے مطابق درخواستوں میں درخواست گذاروں نے موقف اختیارکیا کہ عمران خان نے میٹنگ کے دوران پاک فوج کے جرنیلوں کے خلاف نازیباالفاظ استعمال کیے اورپاک فوج کے مورال کوشدیدنقصان پہنچایاہے۔ لانڈھی ،عوامی کالونی ،شریف آباد،کورنگی ،زمان ٹاؤن پولیس اسٹیشنوں میں حق پرست اراکین اسمبلی آصف حسنین ،شیراز وحید،خالدافتخاراورعامرمعین پیرزادہ نے جمع کروائی ۔اسی طرح نیوکراچی تھانے اورسرسیدپولیس اسٹیشن اور ایف بی انڈسٹریل ایریا میں حق پرست اراکین اسمبلی عبدالوسیم ، شیخ صلاح الدین اور وسیم قریشی نے درخواست جمع کرائی ۔حق پرست رکن قومی اسمبلی ریحان ہاشمی اور حق پرست رکن سندھ اسمبلی اورجمال احمدنے تیموریہ پولیس اسٹیشن میں درخواست جمع کرائی اورنگی ٹاؤن تھانہ اور مومن آباد تھانہ میں حق پرست رکن قومی اسمبلی اقبال قادری اور حق پرست رکن سندھ اسمبلی سیف الدین خالد اور ڈاکٹرفوزیہ اورنائلہ منیرنے فیروزآبادپولیس اسٹیشن میں درخواستیں جمع کرائی۔
*****