کراچی سمیت ملک بھرمیں قائدتحریک الطاف حسین اور ایم کیوایم کے رہنماؤں اورمنتخب نمائندوں کے خلاف مقدمات درج کئے جانے کی مذمت

کراچی ۔۔۔ 15 جولائی 2015ء

متحدہ قومی موومنٹ کی رابطہ کمیٹی نے کراچی سمیت ملک بھرمیں قائدتحریک الطاف حسین اور ایم کیوایم کے رہنماؤں اورمنتخب نمائندوں کے خلاف مقدمات درج کئے جانے کی مذمت کرتے ہوئے کہاہے کہ اس طرح کے ظالمانہ ہتھکنڈوں سے ایم کیوایم کے رہنماؤں، منتخب نمائندوں ،عہدیداروں،کارکنوں اورعوام کوڈرایادھمکایانہیں جاسکتا۔ اپنے ایک بیان میں رابطہ کمیٹی نے کہاکہ ایم کیوایم کوکچلنے اور اسے ختم کرنے کے مقصدکے تحت ایک طرف تو ایم کیوایم کے بے گناہ کارکنوں اورعہدیداروں کوگرفتارکیاجارہاہے ،گرفتاری کے بعد انہیں تشددکانشانہ بنایاجارہاہے اوران مظالم کے خلاف آوازبلندکرنے پرقائدتحریک الطاف حسین اورایم کیوایم کی رابطہ کمیٹی کے ا رکان ، منتخب نمائندوں اورتنظیمی ذمہ داروں کے خلاف جھوٹے مقدمات قائم کئے جارہے ہیں اورانہیں سیاسی انتقام کانشانہ بنایاجارہا ہے ۔ رابطہ کمیٹی کے ارکان نے اس قسم کے ہتھکنڈوں سے نہ توایم کیوایم کوختم کیاجاسکتاہے اورنہ ہی ایم کیوایم کے رہنماؤں، منتخب نمائندوں ، عہدیداروں ،کارکنوں اورعوام کوخوفزدہ کیاجاسکتاہے۔ رابطہ کمیٹی نے انسانی حقوق کی تنظیموں سے اپیل کی کہ وہ ایم کیوایم کے خلاف کی جانے والی انتقامی کارروائیوں کانوٹس لیں اوران کے خلاف آوازاحتجاج بلندکریں۔