حق پرست اراکین اسمبلی ریحان ہاشمی اورجمال احمدکاحیدری مارکیٹ کادورہ

کراچی ۔۔۔11جولائی 2015ء

حق پرست اراکین اسمبلی ریحان ہاشمی اورجمال احمدنے تجاوازت کی آڑمیں انتظامیہ کی جانب سے حیدری مارکیٹ کے دکانداروں کوہراساں کرنے اورمارکیٹ میں توڑ پھوڑکی شدیدمذمت کی اورگذشتہ شب حیدری مارکیٹ کادورہ کیااورحیدرمارکیٹ کے صدرسعیدصاحب،ایسوسی ایشن کے دیگر عہدیداران اورجیولرزایسوسی ایشن کے عہدیداران و دکانداروں سے ملاقات کرکے متحدہ قومی موومنٹ کے قائد جناب الطاف حسین کی جانب سے ہمدردی اور یکجہتی کااظہارکرتے ہوئے انہیں کاروباری سرگرمیاں جاری رکھنے کی یقین دہانی کرائی۔اس موقع پرایم کیوایم کے دیگرذمہ داران بھی ان کے ہمراہ موجود تھے۔ریحان ہاشمی اورجمال احمدنے دکانداروں سے ملاقات میں کہاکہ حیدری مارکیٹ کراچی کی ایک بڑی مارکیٹ ہے یہاں سے ہزاروں لوگوں کاروزگاروابسطہ ہے جن سے انتظامیہ کارویہ انتہائی نازیبااورانہیں ہراساں کرکے مشتعل کرنے کی سازش کاحصہ ہے جس کی جتنی بھی مذمت کی جائے کم ہے۔ انہوں نے دکانداروں سے انتظامیہ کے ناروا سلوک پر افسوس کا اظہارکیااورانہیں ایم کیو ایم کی جانب سے ہرممکن تعاون کایقین دلاتے ہوئے کہاکہ متحدہ قومی موومنٹ حیدری مارکیٹ کے تاجروں کی آوازکوہرفورم پراٹھائے گی اورانتظامیہ میں موجودکالی بھیڑوں کو بے نقاب کریگی۔اس موقع پرمارکیٹ کے صدرسعیدصاحب اورایسوسی ایشن کے عہدیدار ان نے مشکل وقت میں ساتھ دینے پراوردکانداروں کے جائزحق کے لئے آوازاٹھانے پرقائدتحریک جناب الطاف حسین اورحق پرست نمائندوں کی کاوشوں کوسراہااوران کاشکریہ اداکرتے ہوئے ان کے حق میں دعائیں کیں۔