متحدہ قومی موومنٹ کی رابطہ کمیٹی لندن کے ارکان کا ہنگامی اجلاس
آصف علی زرداری اور وزیراعلیٰ سندھ سید قائم علی شاہ کے غیرذمہ دارانہ رویہ پراظہار مذمت
رابطہ کمیٹی پاکستان، آصف علی زرداری اور سید قائم علی شاہ کے غیرذمہ دارانہ رویہ کا نوٹس لے، رابطہ کمیٹی لندن
موجودہ صورتحال پرتنظیمی شعبہ جات کے ارکان اور کارکنان کا اجلاس بلایاجائے، رابطہ کمیٹی لندن
ذمہ داران اور کارکنان کے مشورے کی روشنی میں آئندہ کا لائحہ عمل بنایا جائے ، رابطہ کمیٹی لندن
لندن۔۔۔4، جولائی2015ء
متحدہ قومی موومنٹ رابطہ کمیٹی لندن کے ارکان کا ہنگامی اجلاس منعقد ہوا جس میں پیپلزپارٹی کے شریک چیئرمین آصف علی زرداری اور وزیراعلیٰ سندھ سید قائم علی شاہ کے غیرذمہ دارانہ رویہ کی سخت ترین الفاظ میں مذمت کی گئی ۔ اجلاس میں رابطہ کمیٹی لندن کے ارکان نے رابطہ کمیٹی پاکستان کے ارکان سے کہا کہ وہ آصف علی زرداری اور سید قائم علی شاہ کے غیرذمہ دارانہ رویہ کا نوٹس لیں اور فوری طورپر تمام تنظیمی شعبہ جات کے ارکان اور کارکنان کا اجلاس بلاکر موجودہ صورتحال کے حوالہ سے ان کی رائے لیں اور ان کی رائے مشورے کی روشنی میں آئندہ کا لائحہ عمل بنائیں اورمستقبل کا فیصلہ کریں