گلبہار کالونی سے گرفتارکئے گئے ایم کیوایم کے سیکٹرانچارج زبیراشرف ،جوائنٹ سیکٹرانچارجز سمیت 16ذمہ داروں وکارکنوں کو90روزکے ریمانڈپر رینجرزکی تحویل میں د یناقابل مذمت ہے۔ رابطہ کمیٹی
ایم کیوایم کے ذمہ داران وکارکنان پر کوئی مقدمہ نہیں ہے لیکن انہیں 90 دن کے ریمانڈپر رینجرزکی تحویل میں دیدیاگیاہے
رینجرزکی حراست میں ایم کیوایم کے ان ذمہ داروں وکارکنوں کوانسانیت سوز تشدد کانشانہ بنایاجارہاہے
تشددکرکے گرفتارشدگان سے اپنی مرضی کے بیانات لئے جارہے ہیں اورانہیں جھوٹے مقدمات میں ملوث کیاجارہا ہے
کراچی میں آپریشن صرف اورصرف ایم کیوایم کے خلاف کیاجارہاہے ۔رابطہ کمیٹی
ایم کیوایم کے بے گناہ ذمہ داروں وکارکنوں کورہاکیاجائے۔رابطہ کمیٹی
انسانی حقوق کی تنظیمیں کراچی میں انسانی حقوق کی خلاف ورذیوں کانوٹس لیں۔رابطہ کمیٹی
کراچی ۔۔۔ 3 جولائی 2015ء
متحدہ قومی موومنٹ کی رابطہ کمیٹی نے گلبہار کالونی کے علاقے سے گرفتارکئے گئے ایم کیوایم کے سیکٹرانچارج زبیراشرف ،جوائنٹ سیکٹرانچارجز،سیکٹرکمیٹی کے ارکان سمیت 16ذمہ داروں وکارکنوں کو90روزکے ریمانڈپر رینجرزکی تحویل میں دینے کی شدیدمذمت کی ہے ۔اپنے ایک بیان میں رابطہ کمیٹی نے کہاکہ ایم کیوایم کے یہ ذمہ داران وکارکنان دوروزقبل سیکٹرآفس میں افطارکرنے کے بعدبیٹھے ہوئے تھے کہ رینجرزنے چھاپہ مارکرانہیں گرفتارکرلیااوران پریہ بیہودہ الزام لگایاگیاکہ ایم کیوایم کے یہ ذمہ داران وکارکنان جبری زکوٰۃ فطرہ وصول کررہے تھے ۔ایم کیوایم کے ان ذمہ داران وکارکنان پر کوئی مقدمہ نہیں ہے لیکن انہیں 90 دن کے ریمانڈپر رینجرزکی تحویل میں دیدیاگیاہے اوراطلاعات کے مطابق رینجرزکی حراست میں ان ذمہ داروں وکارکنوں کوانسانیت سوز تشدد کانشانہ بنایاجارہاہے ۔اسی طرح تشددکرکے گرفتارشدگان سے اپنی مرضی کے بیانات لئے جارہے ہیں اورانہیں جھوٹے مقدمات میں ملوث کیاجارہا ہے تاکہ سیاسی کارکنوں کوکرمنلزبناکرپیش کیاجائے ۔ رابطہ کمیٹی نے کہاکہ اس طرح کے ہتھکنڈوں سے صاف ظاہرہے کہ کراچی میں آپریشن صرف اورصرف ایم کیوایم کے خلاف کیاجارہاہے ۔رابطہ کمیٹی نے مطالبہ کیاکہ ایم کیوایم کے ان بے گناہ ذمہ داروں وکارکنوں کورہاکیاجائے۔رابطہ کمیٹی نے انسانی حقوق کی تنظیموں سے اپیل کی کراچی میں انسانی حقوق کی خلاف ورذیوں کانوٹس لیں۔