’’شہید بیداری پنجاب‘‘ بیگم طاہرہ آصف شہید کی پہلی برسی کے موقع پر انکی رہائشگاہ پر قران خوانی،فاتحہ خوانی و افطار ڈنر کا اہتمام

لاہور۔۔۔۔28 جون 2015ء

متحدہ قومی موومنٹ کی شہید خاتون رکن قومی اسمبلی و’’شہید بیداری پنجاب ‘‘ بیگم طاہرہ آصف کی پہلی برسی کے موقع پر لاہور میں واقع ان کی رہائشگاہ میں قرآن خوانی و فاتحہ خوانی کا اجتماع منعقد کیا گیا۔ اجتماع میں رابطہ کمیٹی کے رکن شبیر احمد قائم خانی ،حق پرست سینیٹر میاں عتیق، حق پرست اراکین قومی اسمبلی آ صف حسنین ،ریحان ہاشمی ، شیخ صلاح الدین، کشور زہرہ،ڈاکٹر فوزیہ صدیقی ، صوبائی تنظیمی کمیٹی پنجاب کے انچارج ارشاد ظفیر ، رکن فیصل فجاج ڈار، صدر پنجاب و اراکین ایڈہاک کمیٹی سینٹرل پنجاب، انچارج سوشل فورم ڈاکٹر افتخار حسین بخاری ، شعبہ خواتین کی صدر سلمیٰ منیر،ضلعی صدور سمیت مختلف اضلاع کے عہدیداران سمیت مختلف شعبہ ہائے زندگی سے تعلق رکھنے والے افراد کی کثیر تعداد نے شرکت کی۔ اس موقع پر بیگم طاہرہ آصف شہید کے ایصال ثواب کیلئے قرآن خوانی کی گئی اور اللہ تعالیٰ کے حضور ان کی مغفرت اور بلندی درجات کیلئے فاتحہ خوانی کی گئی۔ اس موقع پر افطار ڈنر کا اہتمام بھی کیا گیا تھا۔