اسنیپ چیکنگ کے نام پر کارکنوں کو نائن زیرو آنے سے روکنے اور ہراساں کرنے کا عمل بند کیا جائے۔ ندیم نصرت
وزیراعظم نوازشریف، وفاقی وزیر داخلہ چوہدری نثار، وزیراعلیٰ سندھ سیدقائم علی شاہ اورصوبائی وزیرداخلہ سے مطالبہ
آج نائن زیروپرایم کیوایم کا جنرل ورکرز اجلاس ہے جس کااعلان گزشتہ روز کیا گیا تھا
رینجرز کے اہلکار نائن زیروکے اطراف اسنیپ چیکنگ کے نام پر آنے جانے لوگوں کوروک رہے ہیں
اجلاس کرنا ہمارا سیاسی وجمہوری حق ہے، اسے روکنا اور اسکی راہ میں رکاوٹ کھڑی کرنا سراسرغیرقانونی ،غیرآئینی اور، غیرجمہوری ہے
کراچی .... 25 جون 2015ء
متحدہ قومی موومنٹ کی رابطہ کمیٹی کے سینئرڈپٹی کنوینرندیم نصرت نے رینجرزکی جانب سے نائن زیروپرایم کیوایم کے جنرل ورکرز اجلاس میں شرکت کیلئے آنے والے کارکنوں اورہمدردوں کوہراساں کرنے کی شدید مذمت کی ہے ۔اپنے ایک بیان میں انہوں نے کہاکہ آج نائن زیروپرجنرل ورکرزاجلاس ہے جس کااعلان گزشتہ روز کیاگیا جومیڈیاپرنشرہوچکاہے لیکن آج رینجرزکے اہلکار نائن زیروکے اطراف تمام راستوں پر گاڑیوں کی اسنیپ چیکنگ کے نام پررکاوٹیں کھڑی کرکے آنے جانے لوگوں کوروک رہے ہیں اورانہیں ہراساں کررہے ہیں تاکہ لوگوں کونائن زیروآنے سے روکاجائے ۔ ندیم نصرت نے کہا کہ اجلاس کرناہماراسیاسی وجمہوری حق ہے اوراسے روکنا اور اس کی راہ میں رکاوٹ کھڑی کرنا سراسرغیرقانونی ،غیرآئینی اور، غیرجمہوری ہے۔ انہوں نے وزیراعظم نوازشریف، وفاقی وزیرداخلہ چوہدری نثار، وزیراعلیٰ سندھ سیدقائم علی شاہ اورصوبائی وزیرداخلہ سے مطالبہ کیاکہ اسنیپ چیکنگ کے نام پرلوگوںکونائن زیروآنے سے روکنے اور ہراساں کرنے کاعمل بندکیاجائے ۔