شہرمیں ہیٹ اسٹروکس سے جاں بحق ہونیو الے افرادکے ارواح کے ایصال ثواب کے لئے متحدہ قومی موومنٹ کے زیراہتمام منگل کے روزنائن زیروپربعدنماز عصرقرآن خوانی وفاتحہ خوانی

کراچی:۔۔۔۔22؍جون 2015ء

شہرمیں شدیدگرمی کے باعث ہیٹ اسٹروکس سے جاں بحق ہونیو الے سینکڑوں افرادکے ارواح کے ایصال ثواب کے لئے متحدہ قومی موومنٹ کے زیراہتمام قائدتحریک جناب الطاف حسین کی ہدایت پرمنگل کے روزایم کیو ایم کے مرکزنائن زیروپربعدنماز عصرقرآن خوانی کی گئی اورمرحومین کی مغفرت ،ان کے درجات کی بلندی کے لئے فاتحہ خوانی کی گئی اورسوگوارلواحقین سے دلی ہمدردی اور اظہار تعزیت کے ساتھ مکمل اظہاریکجہتی کیاگیا ۔قرآن خوانی وفاتحہ خوانی کے اجتماع میں ایم کیوایم کی رابطہ کمیٹی پاکستان کے انچارج کہف الوریٰ،اراکین رابطہ کمیٹی کنورنویدجمیل،عبدالحسیب،عارف خان ایڈووکیٹ، گلفراز خان خٹک، عظیم فاروقی، شبیراحمد قائمی،توصیف خانزادہ، سینٹرل ایگزیکٹو کونسل کے اراکین،حق پرست اراکین سینیٹ،قومی وصوبائی اسمبلی،ایم کیوایم شعبہ جات کے ارکان، علاقائی سیکٹرز ویونٹ کمیٹیوں کے عہدیداران،کارکنان،ہمدردوں اوراہل محلہ نے بڑی تعداد میں شرکت کی۔اس موقع پررکن رابطہ کمیٹی عبدالحسیب نے خشوع وخضوع کے ساتھ اجتماعی دعاکرائی جس میں مرحومین کی مغفرت ان کے ارواح کے ایصال ثواب کے لئے فاتحہ خوانی اور سوگوارلواحقین کے صبرجمیل کے لئے دعاؤں کے ساتھ کراچی سمیت ملک بھر میں بارشیں کے آغاز،موسم کی خوشگوارتبدیلی اوربیماروں کو شفاء سمیت قائدتحریک الطاف حسین کی صحت وتندرستی اوردرازی عمرکے لئے دعائیں شامل تھیں۔