معروف عالم دین علامہ شہنشاہ حسین نقوی کی اہلیہ کے انتقال پر الطاف حسین کااظہار افسوس
لندن۔۔۔22، جون 2015ء
متحدہ قومی موومنٹ کے قائد جناب الطاف حسین نے معروف عالم دین علامہ شہنشاہ حسین نقوی کی اہلیہ محترمہ لبنیٰ نقوی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحومہ کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور علامہ شہنشاہ حسین نقوی سمیت مرحومہ کے سوگواران کو یہ صدمہ برداشت کرنے کا حوصلہ عطا کرے ۔ (آمین)