گال ٹیسٹ میچ میں پاکستان کی کرکٹ ٹیم کی شاندار کامیابی پر قوم کو الطاف حسین کی دلی مبارکباد

لندن۔۔۔21، جون 2015ء 

متحدہ قومی موومنٹ کے قائد جناب الطا ف حسین نے گال ٹیسٹ میچ میں پاکستان کی کرکٹ ٹیم کی شاندار کامیابی پر قوم کو دلی مبارکباد پیش کی ہے ۔ ایک تہنیتی بیان میں انہوں نے کہاکہ گال ٹیسٹ میچ میں پاکستان کی ٹیم کا فتح حاصل کرکے برتری حاصل کرنا انتہائی خوش آئند ہے اور یہ برتری پاکستانی ٹیم کے کپتان اور کھلاڑیوں کی انتھک محنت اور لگن کا نتیجہ ہے ۔ انہوں نے کہا کہ پاکستان کی کرکٹ ٹیم نے گال ٹیسٹ میچ میں شاندار کامیابی حاصل کرکے ملک و قوم کا سر فخر سے بلند کردیا ہے جس پر کرکٹ ٹیم کے کپتان سمیت ایک ایک کھلاڑی زبردست خراج تحسین اور مبارکباد کا مستحق ہے ۔ جناب الطاف حسین نے امید ظاہر کی کہ پاکستان کی کرکٹ ٹیم اسی طرح محنت اور لگن کے ساتھ کامیابیوں کے سفر کو جاری رکھے گی اوردنیائے کرکٹ میں فتوحات حاصل کرکے قوم کو تحفے دیتی رہے گی ۔