آزادجموں و کشمیر قانون ساز اسمبلی کے اجلاس نے وفاقی وزیر دفاع خواجہ آصف کی جانب سے مہاجروں کے خلاف متعصبانہ اور نفرت انگیز بیان کی شدید مذمت کردی
خواجہ آصف کے مہاجروں کے بارے میں توہین آمیز اور اشتعال انگیز ریمارکس کے خلاف ایم کیوایم کی جانب سے آزاد کشمیر قانون ساز اسمبلی میں قرار داد مزمت جمع کرائی گئی
مظفر آباد۔۔۔16، جون 2015ء
وفاقی وزیر دفاع خواجہ آصف کے مہاجروں کے بارے میں توہین آمیز اور اشتعال انگیز ریمارکس کے خلاف ایم کیوایم کی جانب سے آزاد کشمیر قانون ساز اسمبلی میں قرار داد مزمت جمع کرادی گئی ۔ قرار داد مذمت آزاد کشمیر میں ایم کیوایم کے پارلیمانی لیڈر طاہر کھوکھر نے اسمبلی سیکریٹریٹ میں جمع کروائی اور مہاجروں کے خلاف توہین آمیز ریمارکس پر بجٹ سیشن کے دوران بحث کی درخواست کی ۔ بعدازاں آزاد جموں و کشمیر قانون ساز اسمبلی کے اجلاس نے وفاقی وزیردفاع خواجہ آصف کی جانب سے مہاجروں کے خؒ اف متعصبانہ اور نفرت انگیز بیان اور ’’جعلی مہاجر‘‘ کے الفاظ استعمال کرنے کی شدید مذمت کی اور کہا کہ خواجہ آصف کے بیان سے ملک و قوم کیلئے قربانیاں دینے والے کروڑوں مہاجروں کی دل آزاری ہوئی ہے لہٰذا یہ اجلاس وزیراعظم پاکستان نواز شریف سے مطالبہ کرتا ہے کہ وہ مسلم لیگ ن کے رہنماؤں کی جانب سے اس قسم کے نفرت انگیز بیانات کا نوٹس لے اور اس کا فی الفور سدباب کریں ۔