ایم کیوایم کی رابطہ کمیٹی کی وزیردفاع خواجہ آصف کی جانب سے مہاجروں کے بارے میں متعصبانہ اورنفرت انگیزبیان کی شدید مذمت
رابطہ کمیٹی نے آئندہ کا لائحہ عمل طے کرنے کیلئے آج صبح نائن زیروپر تمام تنظیمی شعبہ جات کاہنگامی اجلاس طلب کرلیا
رابطہ کمیٹی اجلاس میں کئے جانے والے فیصلوں سے 11بجے پریس کانفرنس میں آگاہ کرے گی
کراچی۔۔۔ 16 جون 2015ء
متحدہ قومی موومنٹ کی رابطہ کمیٹی نے وفاقی وزیردفاع خواجہ آصف کی جانب سے مہاجروں کے بارے میں متعصبانہ اورنفرت انگیزبیان کی شدید مذمت کی ہے اوراس حوالے سے آئندہ کا لائحہ عمل طے کرنے کیلئے آج صبح ایم کیوایم کے مرکزنائن زیروپررابطہ کمیٹی اورتمام تنظیمی شعبہ جات کاہنگامی اجلاس طلب کرلیاہے ۔ اس اجلاس میں خواجہ آصف کے مہاجروں کے بارے میں دیے گئے مہاجردشمن بیان پر احتجاج کالائحہ عمل طے کیاجائے گا۔ واضح رہے کہ وفاقی وزیردفاع خواجہ آصف نے گزشتہ روز قومی اسمبلی کے ایوان اورایک ٹی وی پروگرام میں دوران گفتگو مہاجروں کے بارے میں اظہارخیال کرتے ہوئے کہا ’’مہاجرصرف جالندھر اور لدھیانہ سے آنے والے ہیں ،باقی سب جعلی مہاجر ہیں ‘‘ ۔رابطہ کمیٹی نے مہاجروں کے بارے میں خواجہ آصف کے اس متعصبانہ بیان کانوٹس لیتے ہوئے پر اس کی شدیدمذمت کی ہے اوراس پراحتجاج کالائحہ عمل تیارکرنے کے لئے آج صبح 10بجے تنظیمی شعبہ جات کااجلاس طلب کرلیاہے ۔ رابطہ کمیٹی اجلاس میں کئے جانے والے فیصلوں سے 11بجے پریس کانفرنس میں آگاہ کرے گی ۔
English