ہفتہ کو ایم کیوایم یوتھ ونگ برطانیہ کے زیر اہتمام ایجوئیر کے سنگم ہال میں اجتما ع ہوگا

لندن۔۔12،جون2015ء

متحدہ قومی موونٹ برطانیہ یوتھ ونگ کے زیر اہتمام اے پی ایم ایس او کا 37واں یو تاسیس کل بروز ہفتہ مورخہ 13جون کو منایا جائے گا ۔ یوم تاسیس کے سلسلے میں لندن کے علاقے ایجوئیر میں واقع سنگم ہال میں اجتماع منعقد ہوگا پر گرام کا آغاز شام 6بجے ہوگا اس میں ایم کیوایم کی رابطہ کمیٹی ،برطانیہ آرگنائزنگ کمیٹی، یوکے یوتھ ونگ،شعبہ خواتین، مانچسٹر ،برمنگھم، بریڈ فورڈاورلندن سمیت ایم کیوایم کے تمام یونٹوں کے ذمہ داران وکارکنان اور برطانیہ میں مقیم پاکستانی کمیونٹی کے افراد شریک ہونگے ۔یوم تاسیس کے سلسلے میں تمام تیاریوں کو حتمی شکل دے دی گئی ہے ۔ ایم کیوایم یوکے کی آرگنائزنگ کمیٹی نے برطانیہ میں مقیم پاکستانیوں سے اپیل کی ہے کہ وہ اے پی ایم ایس کے37ویں یوم تاسیس کے اجتماع میں زیادہ سے زیادہ تعداد میں شرکت کریں ۔