ایم کیوایم رابطہ کمیٹی کے رکن کنور نوید جمیل کی علماء کمیٹی کے ہمراہ فیضان مدینہ میں دعوت اسلامی کی مجلس شوریٰ ے ارکان سے ملاقات

کراچی ۔۔۔12، جون 2015ء 

متحدہ قومی موومنٹ کی رابطہ کمیٹی کے رکن کنور نوید جمیل نے گزشتہ روز دعوت اسلامی کے مرکز فیضان مدینہ کا دورہ کیا اور مجلس شوریٰ کے عہدیداران یعقوب عطاری اور یحییٰ عطاری سے ملاقات کی ۔ ملاقات میں کنور نوید جمیل نے دعوت اسلامی کے عہدیداران کو قائد تحریک جناب الطا ف حسین کا سلام پہچایا اور ان کے مسائل معلوم کئے ۔ انہوں نے کہاکہ قائد تحریک جناب الطاف حسین کا فکر وفلسفہ اورنظریہ انسانیت کی فلاح وبہبود ہے یہی وجہ کہ حق پرست منتخب نمائندے اپنے حلقہ انتخاب میں تمام مذاہب ، مسلکوں وار عقائد کے ماننے والوں کے مسائل کے حل کیلئے کوشاں رہتے ہیں ۔ انہوں نے دعوت اسلامی کی مجلس شوریٰ کے ارکان کو مسائل کیلئے ایم کیوایم کی جانب سے ہرممکن تعاون کی دہانی کرائی ۔ اس موقع پر ایم کیوایم کی علماء کمیٹی ے انچارج جاوید احمد او راراکین بھی موجود تھے ۔