حق پرست رکن سندھ اسمبلی سلیم بندھانی کے بھائی محمد خلیل بندھانی کے انتقال پر رابطہ کمیٹی کا اظہار افسوس
محمد خلیل بندھانی دوگروپوں کے درمیان فائرنگ کے نتیجے میں گولی سے زخمی ہوگئے تھے،
رابطہ کمیٹی نے فائرنگ کے نتیجے میں محمد خلیل بندھانی کو گولی لگنے کے واقعے کی مذمت کی ،
حکومت سندھ محمد خلیل بندھانی کے قتل کا نوٹس لیکر فائرنگ کرنے والے عناصر کو فوری گرفتار کرے،رابطہ کمیٹی
کراچی ۔۔۔12جون2015ء
متحدہ قومی موومنٹ کی رابطہ کمیٹی نے حق پرست رکن صوبائی اسمبلی سلیم بندھانی کے بھائی محمد خلیل بندھانی کے انتقال پر گہرے دکھ اور افسوس کا اظہار کیا ہے ۔واضح رہے کہ محمد خلیل بندھانی گزشتہ دنوں سکھر میں دو گروپوں کے درمیان تصادم کے نتیجے میں فائرنگ کے دوران گولی لگنے سے زخمی ہوگئے تھے اور اسپتال میں زیر علاج تھے آج زخموں کی تاب نہ لاتے ہوئے اپنے خالق حقیقی سے جاملے۔رابطہ کمیٹی نے دو گروپوں کے درمیان فائرنگ کے نتیجے میں محمد خلیل بندھانی کی ہلاکت کے واقعے کی مذمت کرتے ہوئے سندھ حکومت سے اپیل کی ہے کہ سکھر سے رکن سندھ اسمبلی سلیم بندھانی کے بھائی محمد خلیل بندھانی کی ہلاکت کا نوٹس لیکراس واقعے میں ملوث افراد کو گرفتار کرکے قرار واقعی سزادیں۔رابطہ کمیٹی محمد خلیل کے انتقال پر سلیم بندھانی سمیت تمام سوگوارلواحقین سے دلی تعزیت و ہمدردی کا اظہار کرتے ہوئے اللہ تعالیٰ سے دعا کی ہے کہ مرحوم کو اپنی جواررحمت میں اعلیٰ مقام عطافرمائے اور لواحقین کو صبر جمیل عطا کرے۔