اے پی ایم ایس او کا 37واں یوم تاسیس، نائن زیرو، جناح گراؤنڈ اور اطراف کی عمارتوں پربرقی قمقموں ،پینا فلیکس اور ایم کیوایم کے پرچموں کی بہار
نائن زیرو او رجناح گراؤنڈ کی گلیوں میں بچے بچیاں سائیکلوں پر ایم کیوایم کے پرچم لئے نعرے لگاتے رہے
کراچی ۔۔۔11، جون 2015ء
اے پی ایم ایس او کے 37ویں یوم تاسیس کے موقع پر جناح گراؤنڈ عزیز آباد اور اطراف کے علاقوں میں بہت بڑی تعداد میں پینا فلکس سے بنائے گئے بینرز آویزاں کئے گئے تھے جن پر قائد تحریک جناب الطاف حسین کے خوبصورت اسکیجز بنے ہوئے تھے اور انقلابی اشعار اور کلمات جلی حروف میں تحریر تھے ۔ یوم تاسیس کے سلسلے میں جناح گراؤنڈ اور اطراف کی عمارتوں کوبرقی قمقموں سے سجا یاگیا تھا جبکہ یہاں ایم کیوایم کے سہ رنگی پرچموں کی بہار دکھائی دی ۔ برقی قمقموں سے کی گئی سجاوٹ کے باعث تمام علاقہ بعقہ نور بنا ہوا تھا جبکہ نائن زیرو اور جناح گراؤنڈ کے اطراف کی گلیوں میں بچے اور بچیاں سائیکلوں پر ایم کیوایم کے پرچم لئے نعرے لگاتے رہے اس موقع پر ان کا جو ش و خروش قابل دید تھا۔