ایم کیوایم انٹرنیشنل سیکریٹریٹ لندن کے سینئر رکن فیض احمد کے والد انتقال کرگئے
قائد ایم کیوایم الطاف حسین کا فیض احمد کے والد کے انتقال پر اظہارافسوس
الطاف حسین نے فیض احمد فون کرکے انکے والد کے انتقال پر تعزیت کی
رابطہ کمیٹی ، انٹرنیشنل سیکریٹریٹ اور شعبہ خواتین کی ارکان نے فیض احمد کی رہائش گاہ جاکر سوگوارلواحقین سے تعزیت کی
لندن۔۔۔11، جون2015ء
متحدہ قومی موومنٹ کے قائد جناب الطاف حسین نے ایم کیوایم انٹرنیشنل سیکریٹریٹ لندن کے سینئر رکن فیض احمد کے والد ریاض احمد کے انتقال پر گہرے دکھ اور افسوس کا اظہارکیا ہے اوران سے دلی تعزیت کی۔فیض احمد سے فون پر گفتگو کرتے ہوئے جناب الطاف حسین نے فیض احمد سمیت تمام سوگوارلواحقین سے دلی تعزیت کرتے ہوئے انہیں صبرکی تلقین کی ۔ جناب الطاف حسین نے دعا کی کہ اللہ تعالیٰ ریاض احمد مرحوم کو جنت الفردوس میں اعلیٰ مقام عطافرمائے اور سوگوارلواحقین کو یہ صدمہ برداشت کرنے کا حوصلہ دے ۔(آمین) ۔دریں اثناء ایم کیوایم کی رابطہ کمیٹی ، ایم کیوایم انٹرنیشنل سیکریٹریٹ اور شعبہ خواتین کی ارکان نے فیض احمد کی رہائش گاہ واقع لندن جاکر سوگوارلواحقین سے دلی تعزیت کی ۔ وہ کچھ دیرتک سوگوارلواحقین کے ساتھ رہے اورانہوں نے مرحوم کے بلند درجات اور سوگواران کیلئے صبرجمیل کی دعا کی۔واضح رہے کہ ریاض احمد مرحوم کی آج اچانک طبیعت ناساز ہوگئی تھی، انہیں کراچی کے مقامی اسپتال میں لے جایا گیا جہاں وہ جانبر نہ ہوسکے اور رضائے الہی سے انتقال کرگئے ۔