انتظامیہ کی جانب سے کریم آباد میں پتھارے داروں پر بدترین تشدد اور متعصبانہ رویے پر ایم کیوایم رابطہ کمیٹی کا اظہار مذمت انتظامیہ کا اپنے اختیارات سے تجاوز روزمرہ کا معمول بن چکا ہے، ایم کیوایم رابطہ کمیٹی
غریب پتھارے داروں پر بہیمانہ تشدد انسانی حقوق کی سنگین خلاف ورزی ہے، رابطہ کمیٹی
پولیس اہلکاروں کی جانب سے کریم آباد میں غریب پتھارے داروں پر بہیمانہ تشدد اور متعصبانہ زبان کا نوٹس لیکر ملوث اہلکاروں کے خلاف فوری کارروائی کی جائے، رابطہ کمیٹی کا وفاقی وزیر داخلہ، وزیر اعلیٰ سندھ اور صوبائی وزیر داخلہ سے مطالبہ
کراچی۔۔۔11جون2015ء
متحدہ قومی موومنٹ کی رابطہ کمیٹی نے انتظامیہ کی جانب سے کریم آباد میں پتھارے داروں پر بد ترین تشدد اور متعصبانہ رویے کی سخت الفاظ میں مذمت کی ہے۔ ایک مذمتی بیان میں رابطہ کمیٹی نے کہاکہانتظا میہ کی جانب سے غریب عوام کے ساتھ ناانصافیوں کا پہلا واقعہ نہیں ہے بلکہ شہر میں انتظا می اہلکاروں کا اپنے اختیارات سے تجاویز روزمرہ کا معمول بن چکا ہے،غریب پتھارے داروں پر بہیمانہ تشدد انسانی حقوق کی سنگین خلاف ورزی ہے۔ رابطہ کمیٹی نے وفاقی وزیر داخلہ چوہدری نثار علی خان، وزیر اعلیٰ سندھ سید قائم علی شاہ اور صوبائی وزیر داخلہ سہیل انور سیال سے مطالبہ کیاہے کہ وہ پولیس اہلکاروں کی جانب سے کریم آباد میں پتھارے داروں پر بہیمانہ تشدد اور متعصبانہ زبان استعمال کرنے کا سختی سے نوٹس لیکر واقعہ میں ملوث اہلکاروں کے خلاف فوری کارروائی کریں اور محکمے میں موجو د کالی بھیڑوں سے کراچی کے غریب عوام کو آزادی دلوائیں۔