ایم کیو ایم کے قائد جناب الطاف حسین کے ماموں زاد بھائی کو کراچی کے مقامی قبرستان میں سپرد خاک کردیا گیا
نماز جنازہ و تدفین میں ایم کیو ایم رابطہ کمیٹی کے ارکان عارف خان ایڈوکیٹ اور عظیم فاروقی نے شرکت کی
کراچی :۔۔10؍ جون 2015ء
متحدہ قومی موومنٹ کے قائد جناب الطاف حسین کے ماموں زاد بھائی میجر سلیم میاں کوسپرد خاک کردیا گیا ۔ مرحوم کی نماز جنازہ مقامی مسجد میں ادا کی گئی ۔ میجر سلیم میاں کی نماز جنازہ وتدفین میں ایم کیو ایم رابطہ کمیٹی کے ارکان عارف خان ایڈوکیٹ ، عظیم فاروقی،حق پرست ارکان اسمبلی انور رضا ، نشاط ضیاء قادری اور مرحوم کے عزیزاوقارب نے شرکت کی ۔ رابطہ کمیٹی کے ارکان نے مرحوم کے سوگوار لواحقین سے ملاقات کرکے قائد تحریک جناب الطاف حسین کی جانب سے دلی تعزیت و ہمدردی کا اظہار کیا اور سوگواران کو دلاسہ دیا،اس موقع پر انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور آپ کو یہ صدمہ برداشت کرنے کا حوصلہ دے ۔(آمین)