ایکسپریس نیوز چینل کے بیورو چیف فیصل حسین کی والدہ محترمہ کے سوئم میں ایم کیوایم سینٹرل ایگزیکٹو کونسل کے ارکان کی شرکت
سید امین الحق اور احمد سلیم صدیقی نے فیصل حسین اور دیگر سوگوار لواحقین سے ملاقات کی اور والدہ کے انتقال پر
جناب الطاف حسین کی جانب سے دلی تعزیت وہمدردی کااظہار کیا
کراچی ۔۔۔8، جون 2015ء
ایکسپریس نیوز چینل کراچی کے بیورو چیف فیصل حسین کی والدہ محترمہ کا سوئم آج ان کی رہائشگاہ واقع گلشن اقبال میں ہوا جس میں مرحومہ کی روح کے ایصال ثواب کیلئے قرآن خونی وفاتحہ خوانی کی گئی ۔ سوئم کے اجتماع میں ایم کیوایم سینٹرل ایگزیکٹو کونسل کے ارکان سید امین الحق ، احمد سلیم صدیقی ، حق پرست رکن سندھ اسمبلی یوسف شاہوانی ، صحافتی تنظیموں کے عہدیداران ، سیاسی وسماجی شخصیات اور مرحومہ کے عزیز واقارب نے بڑی تعداد میں شرکت کی ۔ بعدازاں سید امین الحق اور احمد سلیم صدیقی نے فیصل حسین اور دیگر سوگوار لواحقین سے ملاقات کی اور والدہ محترمہ کے انتقال پر قائد تحریک جناب الطاف حسین کی جانب سے دلی تعزیت وہمدردی کااظہار کیا ۔