شہر میں پانی کے مصنوعی بحران کیخلاف ایم کیو ایم کے زیراہتمام 24مئی کو اورنگی ٹاؤن نمبر 5میں احتجاجی مظاہرہ کیا جائیگا

کراچی :۔۔۔23مئی2015ء

شہر میں پانی کے شدید مصنوعی بحران کے خلاف ایم کیو ایم کے زیراہتمام عوامی احتجاجی مظاہروں کاسلسلہ جاری ہے اوراس سلسلے میں احتجاجی مظاہروں کے تیسرے روز 24مئی بروزاتوارکواورنگی ٹاؤن نمبر5میں شام 5بجے بڑااحتجاجی کیاجائیگا۔شہرمیں پانی کی شدید مصنوعی بحران کے خلاف ہونیو الے احتجاجی مظاہرے میں اورنگی ٹاؤن اورقرب وجوارکے علاقوں کے حق پرست عوام شرکت کریں گے اور اپنا احتجاج ریکارڈکرائینگے۔ مظاہرے میں ایم کیوایم کی رابطہ کمیٹی کے ارکان،حق پرست عوامی نمائندے،ایم کیوایم کے ذمہ داران اور کارکنان بھی شرکت کریں گے۔ان احتجاجی مظاہروں کامقصدخواب غفلت میں کھوئے ہوئے حکمرانوں کوبیدارکرنا بالخصوص حکومت سندھ کی توجہ عوام کے بنیادی مسائل کی جانب مبذول کرواناہے۔واضح رہے کہ کراچی کے مختلف علاقوں میں گذشتہ دوروزسے عوامی احتجاجی مظاہروں کاسلسلہ جارہی ہے۔