ایم کیو ایم بیلجیم یونٹ کے وفد کی بیلجیم میں مقیم اسماعیلی کمیونٹی کے رہنماء جناب سلیم تابانی سے ملاقات ،
کراچی میں بے گناہ اسماعیلی کمیونٹی کے افراد کے جاں بحق ہونے پر دلی افسوس اور دکھ کا اظہار
اسماعیلی برادری کے بے گناہ افراد کے سفاک قاتلوں کو گرفتار کرکے قرارواقعی سزا دی جائے، حکومت سے مطالبہ
بیلجئم ۔۔۔15،مئی2015ء
متحدہ قومی موومنٹ بیلجئم یونٹ کے ایک وفد نے بیلجئم میں مقیم اسماعیلی کمیونٹی کے رہنماء جناب سلیم تابانی سے ملاقات کی اور کراچی میں بے گناہ اسماعیلی کمیونٹی کے افراد کے جاں بحق ہونے پر دلی افسوس اور دکھ کا اظہار کیا ۔وفد کے ارکان نے ملاقات کے دوران کہا کہ دکھ کی اس گھڑی میں ایم کیو ایم ان کے غم میں برابر کی شریک ہے اور دعا گو ہے کہ اللہ تعالیٰ اس سانحہ میں جاں بحق ہونے والے افراد کو جنت الفردوس میں اعلیٰ مقام عطافرمائے اور زخمی ہونے والوں کو جلدومکمل صحت یابی عطا کرے ، اس موقع پر وفد نے حکومت سے مطالبہ کیا کہ اسماعیلی برادری کے سفاک قاتلوں کو گرفتار کرکے قرارواقعی سزا دی جائے ۔