ملتان میں تحریک انصاف کے جلسہ میں میڈیا کے نمائندگان کو پی ٹی آئی کے کارکنان کی جانب سے تشدد کا نشانہ بنائے جانے پر رابطہ کمیٹی کااظہار مذمت
پی ٹی آئی کے کارکنان نے میڈیا کے نمائندگان کوکورریج کرنے پر جس طرح سے مارا پیٹا اور تشدد کا نشانہ بنایا وہ انتہائی شرمناک اور آزادی صحافت پر قدغن لگانے کے مترادف ہے، رابطہ کمیٹی ایم کیوایم
پی ٹی آئی کے جلسوں میں بدنظمی، بد تہذیبی اور صحافیوں پر تشدد کے ایک سے زائد واقعات اس بات کا ثبوت ہیں کہ تحریک انصاف میں نظم و ضبط کا فقدان ہے، رابطہ کمیٹی ایم کیوایم
تشدد سے زخمی ہونے والے صحافیوں سے رابطہ کمیٹی کااظہار ہمدردی، تحریک انصاف تشدد میں ملوث کارکنان کے
خلاف کارروائی عمل میں لائے، رابطہ کمیٹی ایم کیوایم
کراچی۔۔۔15، مئی 2015ء
متحدہ قومی موومنٹ کی رابطہ کمیٹی نے ملتان میں تحریک انصاف کے جلسہ میں میڈیا کے نمائندگان کو تحریک انصاف کے کارکنان کی جانب سے تشدد کا نشانہ بنائے جانے کی شدید مذمت کی ہے اور کہا ہے کہ تحریک انصاف ملک میں تبدیلی کے نعرے بلند کررہی ہے جبکہ اس کے جلسوں میں بدنظمی، بد تہذیبی اور صحافیوں پر تشدد کے ایک سے زائد واقعات اس بات کا ثبوت ہیں کہ تحریک انصاف میں نظم و ضبط کا فقدان ہے۔ ایک بیان میں رابطہ کمیٹی نے کہاکہ ملتان میں تحریک انصاف کے کارکنان نے میڈیا کے نمائندگان کوکورریج کرنے پر جس طرح سے مارا پیٹا اور تشدد کا نشانہ بنایا وہ انتہائی شرمناک اور آزادی صحافت پر قدغن لگانے کے مترادف ہے۔ رابطہ کمیٹی نے تحریک انصاف کے کارکنان کے ہاتھوں تشدد کا نشانہ بننے والے صحافیوں سے دلی ہمدردی کااظہار کیا اور تحریک انصاف کی قیادت سے مطالبہ کیا کہ وہ صحافیوں پر تشدد میں ملوث کارکنان کے خلاف سخت ترین کارروائی عمل میں لائے اور صحافت کے معزز کے شعبے سے وابستہ افراد کو ذلیل و رسوا کرنے کا سلسلہ بند کرائیں۔